Stór­leik­ar­inn Giancarlo Esposito greinir frá því í nýju við­tali að hann hafi verið nærri gjald­þrota og hafi íhugað sjálfs­víg áður en hann fékk hlut­verk Gus Fring í Breaking Bad. Árin þar á undan voru senni­lega þau verstu á ferli hans en lék hann aðeins í einum sjón­varps­þætti og tveimur kvik­mynd­ummyndum, sem fáir hafa séð, árið 2007.

Esposito var með áætlun um að fá leigu­morð­ingja til að myrða sig til þess að börnin hans fjögur gætu fengið pen­ing úr líf­trygg­ingu hans en þau hefðu ekki fengið neitt ef leik­ar­inn hefði tekið eigið líf. Hann hins vegar hætti við eftir að hafa hugsað málið vel og vand­lega vegna þess að hann taldi að það myndi gera börnum sínum svo mik­inn skaða ef hann tæki eigið líf.

Síðan hann sló í gegn sem Gus Fring hefur hann verið einn af eft­ir­sótt­ustu leik­urum Hollywood en ásamt því að snúa aftur í hlut­verki Gus Fring í Better Call Saul hefur hann leikið stór hlut­verk í þátt­unum Dear White People, Revolution, The Mandalorian, The Boys og God­father of Harlem.

Í þess­ari grein er fjallað um sjálfs­víg. Fólki með sjálfs­vígs­hugs­anir er bent á upp­lýs­inga­síma heilsu­gæsl­unnar s.1700, net­spjallið heilsu­vera.is, Hjálp­ar­síma Rauða kross­ins s.1717, á net­spjallið 1717.is og á Píeta sím­ann s.552-2218. Þau sem misst hafa ást­vin í sjálfs­vígi er bent á stuðn­ing í Sorg­ar­mið­stöð s. 551-4141, upp­lýs­inga­síma heilsu­gæsl­unnar s.1700, net­spjallið heilsu­vera.is og á Píeta sím­ann s.552-2218.