Hallgrímur vandar Katrínu ekki kveðjurnar: „Er einhver munur á VG og XD?“

Hall­grímur Helgason spyr hvort ein­hver munur sé og hafi nokkru sinni verið á Vinstri grænum og Sjálf­stæð­is­flokknum.

Rit­höf­und­ur­inn og málar­inn Hall­grímur Helgason blandar sér í umræð­una um for­seta­kosn­ing­arnar í nýrri færslu á Facebook.

„Er ein­hver munur á VG og XD? Var ein­hvern­tíma munur á VG og XD?“ spyr Hall­grímur í upp­hafi færsl­unnar. Og heldur áfram: „Flokk­ur­inn virð­ist fastur í erindum fyrir sér­hags­mun­ina, hvort sem það eru fisk­eld­is­goðin, stór­út­gerðin eða land­bún­að­ar­risarnir. Þetta er einmitt það sem maður hefur aldrei skilið við VG, sem stendur því miður alltof oft með feita freka frænd­anum fremur en umhverfi, nátt­úru, bændum, sjó­mönnum og neyt­endum.“

Og þá kemur Hall­grímur að kjarna máls síns, for­seta­kosn­ing­unum en hann vandar Katrínu Jak­obs­dóttur ekki kveðj­urnar:

„Nú á að gefa eld­is­herrum auð­lind­ina, eins og kvóta­kóng­unum á sínum tíma, og ekki er hægt að klípa tonni meira af útgerð­araðl­inum til handa strand­veiði­mönnum lands­ins. Svo grát­legt grát­legt. Eitt síð­asta verk Katrínar í emb­ætti (sem sitj­andi mat­væla­ráð­herra) var síðan að leyfa lög­manni Kaup­fé­lags Skag­firð­inga að nán­ast end­ur­semja frum­varp til búvöru­laga. Ekki beint gott veg­ar­nesti til að fara með inn í for­seta­kosn­ingar…“