Steinunn Árnadóttir kom að lambi sjúga spena dauðrar móður sinnar í Þverárhlíð.
Baráttukonan og orgelleikarinn Steinunn Árnadóttir lýsti ansi nöturlegum aðstæðum í Þverárhlíðinni í Borgarfirði en hún hefur verið afar ötul við að benda á hræðilegt ástand á kindum af bænum Höfða í Borgarnesi. Margar þeirra ganga lausar um allra tryssur í Þverárhlíðinni og bera lömb undir vökulum augum rándýra.
„Framhaldsagan af höfða… Varúð ekki fyrir viðkvæma.
Í gær 7. júlí hafði einstaklingur samband við mig. Hann hafði rekist á kind á ferð sinni í Þverárhlíð sem augljóslega var mikið veik (sjá fyrstu mynd).
Ég hafði samband við vakthafandi dýralækni sem lofaði að hafa samband við bændurna og einnig að láta Mast vita. Síðar um kvöldið fór ég og athugaði aðstæður. Kindin var enn á sama stað og lítið lamb með henni.“ Þannig hefst færsla Steinunnar sem hún birti á Facebook nýverið.
Lýsir Steinunn síðan skelfilegu ástandi kindarinnar.
„Kindin var í mikilli þjáningu. Hún reyndi að pissa án afláts, með froðu um munninn og með krampa. Litla lambið hennar elti hana og var að reyna að drekka hjá henni.“
Morguninn eftir athugaði Steinunn með kindina en þá var hún öll.
„Snemma í morgun vitjaði ég hennar og kom að henni þar sem hún var nýdauð. Volg á kinn en laus við þjáningu. Litla lambið var hjá enn henni og var að reyna að sjúga úr spenum móður sinnar, nýdauðrar!“
Segist hún að lokum hafa mætt eigendum kindarinnar sem hafi hreytt í hana fúkyrðum.
„Ég hitti ,,eigendur“ að þessum vesalingum á leið til baka og fékk engin viðbrögð að þeir myndu aðstoða litla lambið.
En ég fékk að heyra að ég væri ,,djöfuls viðbjóður“.“
dýravelferð
Leðurblakan gæti hafa verið smituð af hundaæði eða SARS – Senda sýni til Svíþjóðar
Anna er orðin kisupía: „Það þykir öllum ofurvænt um Knúsu“
Ágúst Ólafur vill stöðva refaveiðar: „Friðum íslenska landnemann!“
Segir sögusagnir um ánægðju með lagareldisfrumvarpið ósannar: „Þetta má aldrei verða að lögum!“
„Þrátt fyrir augljós brot eigenda hefur Mast ekki varið velferð umræddra dýra“ – NÝJAR MYNDIR
Athugasemdir