Arnar rekinn – Varð eftir í Skotlandi

Knatt­spyrnu­þjálf­ar­inn Arnar Grét­ars­son var rek­inn úr starfi þjálf­ara karla­liðs Vals seint í gær­kvöldi eftir að liðið tap­aði illa fyrir hinu skoska St. Mirren í Sam­bands­deild­inni.

Ekki nóg með það þá var um leið til­kynnt að Srdjan Tufegdzic, yfir­leitt kall­aður Túfa, hafi verið ráð­inn þjálf­ari liðs­ins til næstu þriggja ára en snögg ráðn­ing hans gefur til að kynna að brott­rekst­urs Arnars hafi legið í loft­inu um nokk­urt skeið. Túfa er reynslu­mik­ill þjálf­ari bæði á Íslandi og erlendis en hann þjálf­aði liðin Öster og Skövde fyrir ekki svo löngu síðan.

Arnar leitar sér því að nýrri vinnu en lík­legt verður að telj­ast að hann verði ekki lengi atvinnu­laus en Arnar hefur náð góðum árangri sem þjálf­ari þrátt fyrir að gengi Vals í ár hafi ekki staðið undir vænt­ingum stjórn­ar­manna Vals. Félagið er sem stendur í þriðja sæti í efstu deild karla og er átta stigum frá topp­sæt­inu eftir 15 umferðir.

Þá vekur DV athygli á því að Arnar hafi ekki ferð­ast með lið­inu heim heldur orðið eftir í Skotlandi með fjöl­skyldu sinni.