Alþýðu­sam­band Íslands (ASÍ) segir Quang Le ljúga í við­tali við mbl.is í dag, þar sem hann sakar sam­bandið um sam­særi gegn sér.

Sjá einnig: Quang Le sakar ASÍ um hót­anir: „Búið að vera með mig á heil­an­um“

Quang hafnar öllum ásök­unum um man­sal, pen­inga­þvætti og annað í við­tal­inu. Gengur hann svo langt að saka starfs­mann vinnu­staða­eft­ir­lits ASÍ um að hafa hótað starfs­fólki hans brott­vísun úr land ef fólkið „spil­aði ekki með“ og sneri baki við Quang.

ASÍ birti til­kynn­ingu í dag á heima­síðu sinni þar sem segir að sam­bandið beri full­komið traust til vinnu­staða­eft­ir­lits­full­trúa sinna og sé stolt af árangrinum sem náðst hefur síð­ustu miss­eri í bar­átt­unni gegn man­sali og mis­neyt­ingu á íslenskum vinnu­mark­aði.

Segir einnig í til­kynn­ing­unni að ummæli Quang Le séu „að öllu leyti til­hæfu­laus og ósönn“.

Hér fyrir neðan má lesa yfir­lýs­ingu ASÍ í heild sinni:

Yfir­lýs­ing vegna ummæla Quang Le í við­tali á mbl.is

Á frétta­vefnum mbl.is eru í dag, 18. sept­em­ber 2024, birt miður vönduð og ósönn ummæli kaup­sýslu­manns­ins Quang Le um starfs­hætti Alþýðu­sam­bands Íslands (ASÍ) og vinnu­staða­eft­ir­lits­full­trúa. Einnig er vegið að ein­stökum starfs­mönnum með róg­burði.

Ummæli þessi eru að öllu leyti til­hæfu­laus og ósönn. 

ASÍ ber fullt traust til vinnu­staða­eft­ir­lits­full­trúa sinna og er stolt af þeim árangri sem náðst hefur und­an­farin miss­eri í bar­átt­unni gegn man­sali og mis­neyt­ingu á íslenskum vinnu­mark­aði.

Handtaka Quang Le og aðgerðir gegn honum og öðrum sem tengj­ast mál­inu eru á ábyrgð lög­reglu og í þar til gerðum far­vegi.

Finn­björn A. Her­manns­son

for­seti ASÍ

Halldór Oddsson

sviðs­stjóri lög­fræði- og vinnu­mark­aðs­sviðs ASÍ