Kallar yfirvöld Bandaríkjanna ólígarkastjórn:„Sækja æ meira fé í velferðarkerfin og verja í hernað“

Gunnar Smári Egilsson kallar yfir­völd Banda­ríkj­anna „ólíg­ar­ka­stjórn“ í nýrri Facebook-færslu.

Sós­í­alista­for­ing­inn Gunnar Smári Egilsson skrif­aði Facebook-færslu í dag þar sem hann talar um Evr­ópu­stefnu Banda­ríkj­anna og hversu slæm áhrif hún hefur á Evrópu.

„Í stuttu máli er Evr­ópu­stefna ólig­ar­ka­stjórnar Banda­ríkj­anna sú að egna til stríðs í Evrópu og kljúfa á milli Rúss­lands og ann­arra ríkja, ann­ars vegar til að koma í veg fyrir að Evrópa geti orðið sterk og hins vegar til að Evr­ópu­ríki þurfi að sækja æ meira fé í vel­ferð­ar­kerfin og verja í hernað. Við það veikj­ast inn­viðir og grunn­kerfi Evrópu og erf­ið­ara verður að benda á fyr­ir­myndir þar um upp­bygg­ingu rétt­lát­ara þjóð­fé­lags í Banda­ríkj­unum, þ.e. að böndum verði komið á ólig­ar­k­is­mann.“

Segir hann að lokum að nærri því allar rík­is­stjórnir hafi tekið upp þessa stefnu Banda­ríkj­anna sem fari gegn grunn­hags­munum Evrópu.

„Það er magnað að svo til allar rík­is­stjórnir Evrópu skuli hafa tekið upp Evr­ópu­stefnu Pentagon þó hún stang­ist á við grunn­hags­muni Evrópu, sem eru að stefna að friði um alla álf­una og óheftum sam­skiptum yfir landa­mæri. Og að auð­lindir Rúss­lands auðgi efna­hags­líf Evrópu en renni ekki allar til Kína og Indlands.“