Hæsta­rétt­ar­lög­mað­ur­inn Vil­hjálmur H. Vil­hjálms­son segir nú að ákvörð­unin um að kæra flug­mann­inn Sólon Guð­munds­son fyrir nauðgun, hafi verið tekin áður en hann framdi sjálfs­víg.

Vil­hjálmur H. Vil­hjálms­son hæsta­rétt­ar­lög­maður lagði fram nauðg­un­ar­kæru fyrir hönd skjól­stæð­ings síns á hendur Sóloni Guð­munds­syni, þremur dögum eftir and­lát Sólons eða þann 28. ágúst. Samkvæmt tíma­línu sem hann sendi á Vísi tók hann málið að sér 25. ágúst, sama dag og Sólon tók sitt eigið líf. Segir hann að ákvörðun um að kæra Sólon hafi verið tekin áður en fregnir bár­ust af and­láti hans en kæran lögð fram nokkrum dögum síðar. Segir Vil­hjálmur að konan hafi verið boðuð stuttu síðar í skýrsla­töku en vegna mis­taka við bókun hjá lög­regl­unni hafi skýrsla­takan verið færð til 2. októ­ber.

Mál Sólons hefur vakið mikla athygli í fjöl­miðlum eftir að Hödd Vil­hjálms­dóttir tals­maður fjöl­skyldu hans kom fram og sagði frá því og kröfu for­eldra hans um að meint ein­elti á hendur Sóloni verði rann­sakað. Vegna umfjöll­un­ar­innar sendi Vil­hjálmur frá sér yfir­lýs­ingu þar sem sagði meðal ann­ars að hið meinta nauðg­un­ar­brot hafi átt sér stað í lok júlí á þessu ári. Hafi konan í beinu fram­haldi leitað til sál­fræð­ings sem sendi hana á neyð­ar­mót­töku fyrir þolendur kyn­ferð­is­of­beldis.

„Kon­an hafi svo upp­lýst Icelanda­ir um hið meinta brot um miðjan ág­úst og stuttu síðar lagt fram kæru hjá lög­reglu,“ eins og sagði í yfir­lýs­ingu Vil­hjálms.

Samkvæmt DV leit­uðu for­eldrar Sólons til Vil­hjálms þann 27. ágúst og báðu hann að taka að sér mál lát­ins sonar síns. Hann hafi neitað á grund­velli hags­muna­á­rekstra og benti þeim á annan lög­mann. Í sam­tali við Mannlíf fyrir þremur dögum sagð­ist Vil­hjálmur ekki hafa vitað af and­láti Sólons þegar kæran var lögð fram þann 28. ágúst. Þær full­yrð­ingar stand­ast hins vegar ekki, miðað við fréttir DV og Vísis. Vil­hjálmur neit­aði að tjá sig um málið við Mannlíf.

Samkvæmt upp­lýs­ingum Mannlífs var lög­regl­unni ekki kunn­ugt um kæru á hendur Sóloni 2. sept­em­ber en hugs­an­lega er það vegna fyrr­greindra mis­taka við bókun.

Sjá einnig: Lög­reglan stað­festi að engin kæra hafi borist á hendur Sóloni: „Þetta gæti ekki verið skýr­ara“

Ef ein­stak­ling­ar glíma við sjálfs­vígs­hugs­an­ir er bent á Hjálp­arsíma Rauða kross­ins 1717 og net­spjall Rauða kross­ins 1717.is. Opið allan sól­ar­hring­inn. Einnig má hafa sam­band við Píeta-sam­tök­in sem veita ókeyp­is ráð­gjöf í síma 552-2218, allan sól­ar­hring­inn. Net­spjall Heilsu­veru þar sem svarar hjúkr­un­ar­fræð­ingur er líka opið frá kl.8-22 alla daga. Fyrir þau sem misst hafa ást­vin í sjálfs­vígi má fá stuðn­ing í sorg hjá Sorg­ar­mið­stöð og hjá Pieta sam­tök­unum.