Sanna grét yfir kvikmynd og skrifaði pistil: „Fátækt smýgur inn í alla króka og kima lífs þíns“

Sanna Magda­lena Mörtu­dóttir skrif­aði pistil á Vísi í gær sem slegið hefur í gegn en hann erum fátækt.

Borg­ar­full­trúi Sós­í­alista­flokks­ins, Sanna Magda­lena Mörtu­dóttir seg­ist í Facebook-færslu sem hún rit­aði í gær, hafa verið að horfa á mynd í sjón­varp­inu sem fjall­aði um fátækt. Við áhorfið hafi hún ekki náð að slaka á heldur byrj­uðu tárin að leka niður kinnar hennar enda ólst hún upp við sára fátækt.

„Ég var heima að reyna að lifa mínu besta lífi á laug­ar­dags­kvöldi og horfa á mynd í sjón­varp­inu. Fann góða mynd sem heitir Leitt að missa af þér (Sorry we mis­sed you) en teymið sem gerði þá mynd gerði líka mynd­ina I, Daniel Blake, sem fjallar um starfs­getu­mat og fátækt með raun­sönnum hætti. En já ég var að reyna slaka aðeins á og horfa á þessa mynd en fátækt­ar­end­ur­litið kom svo allt í einu fram og ég fór að tár­ast í sóf­anum og skrif­aði nokkrar línur. Mæli með þessum kvik­myndum, á reyndar eftir að klára að horfa á mynd­ina Sorry we mis­sed you.“ Þannig hljómar Facebook-færslan en pistil­inn má lesa í heild sinni hér fyrir neðan:

„Fátækt er að vera föst í ómögu­legu völ­und­ar­húsi sem þú getur ekki leikið á.

Fátækt fyllir hug­ann af sam­visku­biti. Sam­visku­biti yfir því að hafa ekki gert betur, verið betri.

Fátækt er að verða fyrir von­brigðum aftur og aftur.

Fátækt er að búast við því versta. Alltaf.

Fátækt er að leyfa sér ekki að njóta þess góða, því það gæti verið tekið af þér.

Fátækt er þegar von bregst.

Fátækt smýgur inn í alla króka og kima lífs þíns spú­andi eitri.

Fátækt sendir tauga­kerfið í russí­ban­areið. Hring eftir hring, sama þó þú sért búin að fá nóg.

Fátækt er óör­yggi.

Fátækt er úti­lokun.

Fátækt á ekki að vera til staðar.

Fátækt er hægt að útrýma.

Ef þú kæri les­andi ert sam­mála og trúir og telur að leiðin fram á við sé and­kap­ít­al­ísk þá hvet ég þig til að skrá þig í lið með okkur Sós­í­alistum gegn þeirri mein­semd sem ójöfn­uður er.“