Það andar köldu milli Sigfúsar Sigurðsson, landsliðshetju í handbolta, og Kristjáns Óla Sigurðssonar hlaðvarpsstjórnanda.
Erjur þeirra hófust í gær á samfélagsmiðlinum Twitter en þar varð Arnar Sveinn Geirsson fyrir barðinu á Kristjáni en Arnar er mikill stuðningsmaður Vals og forseti leikmannasamtakanna. Sagði Kristján að hann væri leiðinlegasti maður jarðarinnar.
Sigfús greip boltann á lofti og sagði að Kristján ætti að líta í spegilinn til að finna leiðinlegasta mann jarðarinnar en Sigfús er sjálfur mikill Valsari.
Svar Sigfúsar féll nokkuð vel í kramið hjá notendum Twitter en þegar þetta er skrifað hafa tæplega 450 manns smellt á „like“ á tíst Sigfúsar meðan aðeins 115 haft gert slíkt hið sama við tíst Kristjáns. Sigfús kallaði Kristján svona í framhaldinu snjókorn fyrir að blokka sig á samfélagsmiðlinum og sagði „Í sandkassaleiknum verður maður að vera eins og hinir krakkarnir,“ en Kristján hefur ekki tjáð sig um orð Sigfúsar.
Ljóst er að rígur hefur skapast á milli mannanna en eins og alþjóð veit er Sigfús einn besti handboltamaður í sögu Íslands og var lykilmaður í silfurliði Íslands á Ólympíuleikunum árið 2008. Kristján spilaði sjálfur 58 leiki í efstu deild karla í knattspyrnu og ék einn landsleik með U21 landsliði Íslands.
Athugasemdir