Annar árás­armann­anna sem réð­ust á ungan föður um miðja nótt á meðan hann svaf í Mos­fellsbæ í síð­ustu viku er ennþá ófund­inn en lög­reglan á höf­uð­borg­ar­svæð­inu stað­festi það í sam­tali við Mannlíf.

Eins og Mannlíf greindi frá á föstu­dag­inn átti árásin sér stað á aðfara­nótt mið­viku­dags í síð­ustu viku og að sögn kær­ustu manns­ins, sem svaf við hlið hans þegar árásin átti sér stað, var hún gróf og alvar­leg. Sagði hún við Mannlíf að saumið hafi verið um 30 spor í höfuð hans og flest þeirra hafi verið í and­liti. Þá sé hann með möl­brot­inn þum­al­fingur á annarri hendi. Telur parið að um morð­til­raun hafi verið að ræða

Héldu ítrekað áfram

„Síðan vaknar hann og þá reynir hann að smeygja sér undan högg­unum, það er nátt­úru­lega allt í blóði. Það er eins og við séum komin í slát­ur­hús. Hann endar á gólf­inu við lapp­irnar þar sem ég ligg með haus­inn þar sem svala­hurðin er hjá okkur og þeir halda bara ítrekað áfram. Þetta eru ekk­ert fá högg. Þetta var enda­laust og með vopnum. Hann kann að verja sig, sem betur fer, þannig að þetta fór ekki verr. Hann var með hend­urnar á réttum stað,“ sagði kærasta manns­ins um árás­ina en menn­irnir not­uðu kylfu, bor­vél og fleiri vopn við árás­ina.

Lög­reglan á höf­uð­borg­ar­svæð­inu sagði í sam­tali við Mannlíf að annar árás­armað­ur­inn væri ennþá ófund­inn og ekki vitað hver hann væri. Þá sagði lög­reglan einnig hún vissi ekki ástæðu árás­ar­innar en kærasta manns­ins sem ráð­ist var á gat ekki gefið neinar ástæður fyrir því af hverju ein­hver ætti að vilja ráð­ast á hann.