Tveir handteknir eftir hnífaárás í Gravarvogi í nótt – Þolandi hlaut lífshættulega áverka

Hnífa­árás var gerð í Graf­ar­vogi í nótt en tveir voru hand­teknir vegna máls­ins.

Um klukkan þrjú síð­ast­liðna nótt barst lög­reglu til­kynn­ing um lík­ams­árás í Graf­ar­vogi þar sem hnífi hafði verið beitt. Þetta kemur fram í til­kynn­ingu frá lög­regl­unni á höf­uð­borg­ar­svæð­inu.

Lög­reglan fór strax á vett­vang og hafði tals­verðan við­búnað vegna máls­ins. Tveir aðilar voru hand­teknir og hafa þeir verið yfir­heyrðir í dag. Þolandi árás­ar­innar var með lífs­hættu­lega stungu­á­verka á lík­ama og var fluttur á bráða­mót­töku Land­spít­al­ans í Fossvogi þar sem gert var að sárum hans.

Samkvæmt lög­reglu eru máls­að­ilar á þrí­tugs- og fer­tugs­aldri.

Ekki veitir lög­reglan frek­ari upp­lýs­ingar um málið að svo stöddu.