Þórunn þakkar Einari borgarstjóra: „Við erum frek“

Einar Þor­steins­son borg­ar­stjóri er senni­lega óvinur númer eitt hjá kenn­urum lands­ins í dag og þá sér­stak­lega í Reykja­vík eftir ummæli sem hann sé falla fyrir helgi.

„Mér finnst ein­hvern veg­inn öll töl­fræði, til dæmis bara um skól­ana okkar, benda til þess að við séum að gera eitt­hvað alger­lega vit­laust. Að kenn­ar­arnir séu að biðja um það að fá að vera minna með börnum, en eru samt veik­ari en nokkru sinni fyrr. Kenna minna og með fleiri und­ir­bún­ings­tíma,“ sagði borg­ar­stjór­inn á fjár­mála­ráð­stefnu Sambands íslenskra sveit­ar­fé­laga.

Ekkert nema let­ingjar

Þórunn Sif Böðv­ars­dóttir kenn­ari í Reykja­vík birti fyrr í dag kald­hæðn­is­legan pist­ill en sá er stíl­aður á Einar.

„Takk fyrir að benda okkur kenn­ara­let­ingj­unum á hvað við erum frek og nennum ekki að vinna vinn­una okkar. Þessi ræða þín verður örugg­lega til þess að nú hunskast allir kenn­arar, ef kenn­ara skyldi kalla, til að fara að vinna vinn­una sína,“ skrifar Þórunn til Einars í pistl­inum sem birt­ist á Vísi.

„Takk fyrir að benda kenn­urum á hvað það er dýrt fyrir sveit­ar­fé­lögin að þeir séu svona mikið veikir, ég er viss um að ræðan þín verði nú til þess að við förum nú að hætta því ves­eni. Fussum svei! Það er svo ótrú­lega dýrt fyrir sveit­ar­fé­lögin að vera með svona lata kenn­ara sem nenna ekki að vinna vinn­una sína.

Takk fyrir að benda okkur á að það er nú hel­ber óþarfi að vera með „ein­hverja“ und­ir­bún­ings­tíma eins og þú orð­aðir það svo fag­mann­lega. Við ættum nú bara að geta staðið óund­ir­búin fyrir framan 25 manna hóp og talað í átta tíma á dag. Þú sýndir það og sann­aðir með ræðu þinni að það er hægt að standa og tala fyrir framan nokkur hund­ruð manns alveg óund­ir­bú­inn og upp­skera lófa­klapp!“

Kennslan er lúxusstarf

Þá þakkar Þórunn fyrir að kenn­urum hafi verið sýnt að þeir séu góðum höndum Einars og hann beri mikla virð­ingu fyrir starfs­mönnum borg­ar­innar.

„Takk fyrir að opna augu okkar kenn­ara­let­ingj­anna fyrir því að 690 þús­und króna laun (fyrir skatt) eftir fimm ára háskóla­nám eru full­boð­leg fyrir svona lúxusjobb. Ég er sann­færð um að þessi ræða þín verði til þess að við kenn­arar, ef kenn­ara skyldi kalla, girði sig nú í brók og hætti þess­ari heimtu­frekju. Að nýút­skrif­aðir kenn­arar sem hafa farið til betur laun­aðra starfa sjái nú villu síns vegar og flykk­ist aftur inn í skól­ana.

Takk!“ skrifar Þórunn að lokum.