Arnar Þór Jónsson, hæsta­rétt­ar­lög­maður og stofn­andi Lýð­ræð­is­flokks­ins hefur enn ekki greitt laun nokk­urra aðila sem störf­uðu við for­seta­fram­boð hans á þessu ári.

Samkvæmt heim­ildum Mannlífs skuldar Arnar Þór Jónsson laun nokk­urra ein­stak­linga sem unnu við for­seta­fram­boð hans fyrr á árinu. Um er að ræða umtals­verðar upp­hæðir sam­kvæmt heim­ild­unum en Arnar Þór segir í sam­tali við Mannlíf eiga aðeins eftir að greiða tveimur ein­stak­lingum en að honum finn­ist reikn­ingur þeirra „nokkuð brattur“. „Ætli það séu ekki tveir sem mér fannst hafa verið full brattir í að rukka mig en við erum bara að semja um það. Það er ekk­ert öðru­vísi en það.“

Aðspurður hvort hann geti greitt laun eftir að hafa skilað loka­upp­gjöri um for­seta­fram­boðið svar­aði Arnar Þór: „Þetta eru bara reikn­ingar sem þeir hafa sent mér en þetta var ekki samið um við mig þannig að ég er bara í sam­tali við þessa tvo ein­stak­linga og ég held að það sé ekk­ert tíma­bært að fara að ræða það eitt­hvað.“

Bætir Arnar Þór því við að hann vilji ekki ofborga starfs­fólki. „Fyrst og fremst ætla ég ekki að ofborga, ég vil fá skýr­ingar á því hvað þetta var en þetta er eitt­hvað sem við erum að ræða.“