Arna Jónsdóttir vill leiða Samfylkinguna í Norðvesturkjördæmi: „Nú er kominn tími á breytingar“

Arna Lára Jóns­dóttir, bæj­ar­stjóri Ísa­fjarð­ar­bæjar gefur kost á sér til að leiða lista Sam­fylk­ing­ar­innar í Norð­vest­ur­kjör­dæmi í alþing­is­kosn­ing­unum í lok nóv­em­ber. Þetta kemur fram í til­kynn­ingu frá henni.

Arna tók við starfi bæj­ar­stjóra Ísa­fjarð­ar­bæjar sum­arið 2022 en hún hefur einnig setið nokkrum sinnum sem vara­þing­maður fyrir Sam­fylk­ing­una. Í til­kynn­ing­unni segir meðal ann­ars: „Ég hef ákveðið að gefa kost á mér til að leiða lista Sam­fylk­ing­ar­innar í Norð­vest­ur­kjör­dæmi í kom­andi alþing­is­kosn­ingum. Ég hef verið lengi virk í Sam­fylk­ingu og verið hluti af for­ystu flokks­ins síð­ustu ár. Saman höfum við breytt Sam­fylk­ing­unni og fært hana nær fólk­inu í land­inu. En nú er kom­inn tími á breyt­ingar við stjórn lands­ins. Við erum til þjón­ustu reiðu­búin, fáum við til þess traust hjá þjóð­inni, og ég vil mitt af mörkum á Alþingi.“

Segist Arna vera sann­færð um að reynsla hennar af sveit­ar­stjórn­ar­málum muni koma sér vel á þingi.

„Ég er sann­færð um að löng reynsla mín af sveit­ar­stjórn­ar­málum yrði afar gagn­leg á vett­vangi lands­mál­anna – en ég bý einnig yfir mik­illi reynslu úr atvinnu­líf­inu og af nýsköp­un­ar­málum. Norð­vest­ur­kjör­dæmi þarf á öfl­ugum tals­manni að halda sem þekkir vel til kjör­dæm­is­ins og inn­viða þess. Við stöndum frammi fyrir fjöl­mörgum áskor­unum og fólk gerir kröfu um árangur.“

Þá seg­ist hún ætla að leggja sig alla fram og að hún von­ist eftir stuðn­ingi.

„Ég mun leggja mig alla fram ásamt öfl­ugri Sam­fylk­ingu. Við eru með skýrt plan og höfum ein­beittan vilja til verk­legra fram­kvæmda, sem ekki er van­þörf á. Vonandi fæ ég ykkar stuðn­ing til góðra verka!“