Dóra Björt Guð­jóns­dóttir var lögð í ein­elti af kenn­urum á sínum yngri árum. Um þetta opn­aði hún í Facebook-færslu rétt í þessu.

Pírata­fram­bjóð­and­inn Dóra Björt Guð­jóns­dóttir segir frá því í nýrri Facebook-færslu að hún hafi hlotið þann heiður að ávarpa ráð­stefnu ADHD-sam­tak­anna nýlega og segir frá því í leið­inni að hún sjálf sé með ADHD.

„Ég hlaut þann heiður að ávarpa ráð­stefnu ADHD-sam­tak­anna nýverið sem fjall­aði um ADHD og konur, og tók þátt í að veita Hljóð­bóka­safn­inu heið­ursverð­laun sam­tak­anna.

Ég er jú kona með ADHD. Það kynti undir lágu sjálfs­mati í gegnum minn upp­vöxt.“

Dóra Björt seg­ist hafa fengið að finna fyrir því í námi að vera með ADHD:

„Þegar ég mætti nei­kvæðu við­horfi er ég tók of mikið pláss hvort sem það var í skóla eða á öðrum vett­vangi, átti erfitt með tíma­stjórnun, þegar ég tal­aði of mikið, gat ekki klárað verk­efni vegna þess að ég gat ekki ein­beitt mér innan um þögla sam­nem­endur mína.. og hví­lík sóun á tíma að sitja klukku­tímum saman verk­laus. Þegar ég var lögð í ein­elti af kenn­urum. Þegar mér fannst ég oft hverfa vegna óör­yggis því varn­ar­gríman til að fela hisp­urs­leysið var svo aðþrengj­andi. ADHD! Þetta kom allt heim og saman.“

Segist hún enn finna fyrir þess­ari „grímu“ en að áhrifin hafi minnkað:

„Þessi gríma á enn til að gægj­ast á svæðið en áhrif hennar hafa þó mild­ast með meiri sjálfsmildi og sjálfs­þekk­ingu. Að við séum að rífa af okkur það sem gerir okkur ein­stök er ekki bara leið­in­legt heldur líka ákveð­inn missir fyrir sam­fé­lagið. En hvað á barn að gera sem fær stans­laust að finna að það sé of mikið, tali of mikið, taki of mikið pláss? Það auð­vitað minnkar sig.Þess vegna þarf sam­fé­lagið að stækka. Skapa meira pláss og meira rými. Við megum ekki skera niður okkar feg­urstu blóm.“

Að lokum seg­ist hún hafa unnið sig í gegnum hin nei­kvæðu áhrif með hjálp sál­fræð­inga og talar fyrir ódýr­ara aðgengi að sál­fræði­þjón­ustu.

„Að vinna mig í gegnum þessi nei­kvæðu áhrif með aðstoð sál­fræð­inga hefur gert mig örugg­ari í sjálfri mér og róað innri gagn­rýn­and­ann. Það eru lífs­gæði sem gera mér kleift að starfa áfram á mínum vett­vangi þar sem þú þarft að geta sýnt þér mildi þegar gagn­rýnin dynur á. Það eru lífs­gæði sem ekki verða metin til fjár.En það eru tímar hjá sál­fræð­ingum hins­vegar, þeir eru rán­dýrir en þjón­ustan svo dýr­mæt og mik­il­væg. Geð­heil­brigði þarf sömu virð­ingu og alúð og lík­am­legt heil­brigði. Aðgengi að ódýr­ari sál­fræði­þjón­ustu er ekki lúxus eða pjatt heldur lífs­nauð­syn.Ég minni á að próf­kjöri Pírata lýkur í dag klukkan 16. Margir frá­bærir fram­bjóð­endur eru í boði og sam­keppnin því mikil en ég veit að lífið velur mér leið­ina, hvað sem svo sem er í kort­unum fyrir mig. Öll geta kosið í öllum kjör­dæmum með að skrá sig á

x.piratar.is

.