Sigurjón Þórðarson útilokar ekki oddvitasæti fyrir Flokk fólksins: „Er klár í hvað sem er“

Sigurjón Þórð­ar­son úti­lokar ekki að hann taki odd­vita­sæti Fólks fólks­ins í Norð­aust­ur­kjör­dæmi, nú þegar Jakob Frímann Magn­ús­son hefur verið settur út af sakra­ment­inu.

Heil­brigð­is­full­trú­inn og vara­þing­maður Flokk fólks­ins í Norð­vest­ur­kjör­dæmi, Sigurjón Þórð­ar­son seg­ist í sam­tali við Mannlíf vera til í að bjóða sig fram í hvaða sæti sem honum býðst fyrir kom­andi kosn­ingar. „Ég er til í að vera í hvaða sæti sem er,“ segir Sigurjón aðspurður um mögu­legt fram­boð. Mannlíf spurði hann hvort hann sækt­ist ekki eftir odd­vita­sæt­inu en Sigurjón sagði að það yrði til­kynnt síðar í dag. „Það má segja að ég sé klár í hvað sem er,“ bætti hann við.

Mannlíf spurði hann einnig hvað honum fynd­ist um þá upp­stokkun sem hefur átt sér stað í Flokki fólks­ins, að þeir Tómas A. Tómasson og Jakob Frímann Magn­ús­son hafi verið teknir af fram­boðs­listum flokks­ins. Sigurjón svar­aði: „Þetta var bara nið­ur­staðan hjá þessair nefnd sem var að fara yfir þessi mál. Ég held að þeir hafi bara skilað góðu verki, ég held að það sé nú bara málið. En það er líka að koma gott fólk til liðs við okkur. En þeir eru bara búnir að standa sig vel, ekk­ert annað um það að segja. Þetta var bara nið­ur­staða hjá þeim aðilum sem voru að fjalla um þetta, ég hafði ekki aðkomu að því.“