Illugi Jökulsson rífur flokka síðustu ríkisstjórnar Íslands í sig í nýlegri Facebook-færslu.
Fjölmiðlamaðurinn Illugi Jökulsson birti skjáskot af frétt Vísis þar sem framkvæmdarstjóri Viðskiptaráðs talaði um einkarekna skóla sem lausn í skólamálum hér á landi. Í texta sem Illugi skrifar við myndina hjólar hann í Sjálfstæðisflokkinn, Vinstri græna og Framsókn.
Illugi skrifar: „Þarna er mergurinn málsins. Þetta hafa ríkisstjórnir Katrínar Jakobsdóttur og Bjarna Benediktssonar afrekað. Markvisst og meðvitað drepið niður menntakerfið, heilbrigðiskerfið, velferðarkerfið — svo Viðskiptaráð geti komið núna og sagt að eina lausnin sé „einkarekstur“ en einkarekstur er annað orð yfir að gefa vildarvinum ríkisstjórnarinnar sameiginlegar eignir okkar og leyfa þeim svo að lifa sníkjulífi á þjóðinni.“
Að lokum skýtur Illugi fast á fyrrum stjórnarflokkana:
„Þetta hafa VG afrekað en þykjast nú vera vinstriflokkur aftur. Þetta hefur Sjálfstæðisflokkurinn afrekað en þykist nú hafa fleiri í huga en bara þann þrönga flokk hinna ofurríku sem flokkurinn vinnur í raun fyrir. Og þetta hefur Framsóknarflokkurinn afrekað sem þykist núna — eftir sjö ár!! — geta „ræst vélarnar“. Jasvei.“
Athugasemdir