Feg­urð­ar­drottn­ingin og lífstíls­þjálfinn Linda Pét­urs­dóttir opnar sig um sam­band sitt við kærast­ann, hinn spænska Jamie og ald­urs­mun­inn á þeim, í nýjum hlað­varps­þætti.

„Mig langar að koma aðeins inn á það hvernig ég hef til dæmis unnið með mitt ást­ar­sam­band og sam­bandið við kærast­ann minn,“ segir Linda í byrjun nýjasta hlað­varps­þáttar síns, Podcast með Lindu Pé en þátt­ur­inn ber heitið Ástin og ald­urs­munur. Og hún heldur áfram: „Hann er úr öðrum menn­ing­ar­heimi, hann er suð­rænn Spán­verji og svo er hann tölu­vert yngri en ég. Við erum ólík, mjög ólíkar týpur en það hefur bara verið, hvað á ég að segja? Blossinn hjá okkur, til að láta ást­ina okkar að blómstra, við leyfum hvort öðru bara að vera nákvæm­lega eins og við erum og svo komum við bara saman. Við hugsum um þetta, hann sem ein­stak­ling, mig sem ein­stak­ling og svo sam­bandið okkar í raun­inni sem annan ein­stak­ling og reynum að næra það þannig.“

Linda seg­ist hafa ákveðið það frá upp­hafi að hún myndi vinna með huga sinn, enda sé það einmitt það sem hún kenni. Ákvað hún að þegar hún myndi horfða á hann, að hugsa fal­legar hugs­anir um hann. „Mér fannst það sér­stak­lega mik­il­vægt, því við erum svo ólík og það er ald­urs­munur á okkur, að vera með­vituð um þetta. Að fara inn í sam­bandið með opinn huga, for­dóma­laus eins og ég mögu­lega get. Ég er búin að æfa mig í því og æfa mig í að dæma minna og elska meira.“

Segir Linda að það fylgi ýmsar áskor­anir að vera í sam­bandi með ein­hverjum sem er svona ólíkur manni en líka gjafir. „En við höfum gefið hvort öðru rými til að vera nákvæm­lega eins og við erum“.

Síðar í þætt­inum ræðir Linda um ald­urs­for­dóma sem hún segir vera í sam­fé­lag­inu. „Ég hef til dæmis alveg upp­lifað það núna að það hefur komið í fjöl­miðlum fyr­ir­sagnir eins og „Linda og ungir kærast­inn“, eins og það sé sér­stak­lega áhuga­vert að ég eigi yngri kærasta en mér finnst svo gott að koma inn á þetta því í gegnum tíð­ina hef ég yfir­leitt verið með mönnum sem eru eldri en ég og jafn­vel þó nokkuð eldri en ég. Þetta er svona í fyrsta skipti sem ég á yngri kærasta og ég svo sann­ar­lega féll ekki fyrir honum út af aldr­inum hans, við urðum bara ein­fald­lega ást­fangin og ald­ur­inn er ekki eitt­hvað sem ég læt stoppa mig í að lifa mínu drauma lífi. Ég get til dæmis tekið dæmi, bara með barns­föður minn. Ég get alveg sagt það hér að barns­faðir minn er til dæmis 14 árum eldri en ég en það hefur aldrei verið skrifað „Linda og gamli barns­faðir hennar“ eða Linda og gamli kærast­inn“. Segir hún nýja kærast­ann vera 14 árum yngri og að þessi dæmi sem hún hafi gefið, sýni for­dóma, sér­stak­lega gagn­vart konum sem eiga yngri menn.

Hægt er að hlusta á þátt­inn í heild sinni hér.