Ísland sendir 46 manns á loftslagsráðstefnu – Ferðalagið kostar rúmlega milljón krónur á mann

Íslensk sendi­nefnd­ sem mætir á aðilda­ríkja­þing lofts­lags­samn­ings Sam­ein­uðu þjóð­anna í Bakú í Aser­baís­j­an, COP29, verður skipuð 46 full­trú­um. Í þeim hópi er 10 manna op­in­ber sendi­nefnd auk full­trúa fé­laga­sam­taka. Þar verða ungir um­hverf­issinnar og nátt­úru­vernd­ar­sam­tök. Alþing­is­menn og ráð­herrar verað ekki með í för vegna kom­andi alþing­is­kosn­inga. Þar spar­ast vænt­an­lega tug­millj­ónir króna. Morg­un­blaðið segir frá þessu í dag og byggir á svari frá umhverf­is­ráðu­neyt­inu. Guð­laugur Þór Þórð­ar­son er umhverf­is­ráð­herra og ber ábyrgð á mála­flokknum. Hann situr heima eins og aðrir stjórn­mála­menn.

Kostn­aður við hvern og einn full­trúa nemur á bil­inu 760 þús­und krónum til 1,8 milljón. Ef tekin er mið­læg tala er kostn­aður á mann um 1,3 millj­ónir. Fyrir allan hóp­inn er heild­ar­kostn­aður þannig rúm­lega 50 millj­ónir króna.

Af 10 manna op­in­berri sendi­nefnd Íslands eru fimm full­trú­ar um­hverf­is-, orku- og lofts­lags­ráðu­neyt­is­ins, þrír full­trú­ar frá ut­an­rík­is­ráðu­neyt­inu, einn frá Um­hverf­is­stofn­un og einn frá Ung­menna­ráði Íslands. Tveir full­trú­anna sækja fund­inn alla dag­ana, en stærst­ur hluti sendi­nefnd­ar­inn­ar tek­ur aðeins þátt í hluta fund­ar­ins. End­an­leg­ur kostn­aður liggi ekki fyr­ir fyrr en eft­ir að þing­inu lýk­ur.

Listinn yfir þátt­tak­endur er langur, sam­kvæmt Morg­un­blað­inu. Frá um­hverf­is­ráðu­neyt­inu fara Helga Barða­dótt­ir, Magnús Agnes­ar Sig­urðs­son, Stefán Guðmunds­son, Stein­unn Sig­urð­ar­dótt­ir og Elín Björk Jón­as­dótt­ir. Frá ut­an­rík­is­ráðu­neyt­inu fara Elín Rósa Sig­urð­ar­dótt­ir, María Erla Mar­els­dótt­ir og Bryn­hild­ur Sör­en­sen. Nicolle Kell­er verður full­trúi Um­hverf­is­stofn­un­ar og Vikt­or Pét­ur Finns­son frá Ung­menna­ráði Íslands. Um­hverf­is-, orku- og lofts­lags­ráðu­neytið styrk­ir full­trúa ung­menna til þátt­töku á fund­in­um.

Tinna Hall­gríms­dótt­ir fer fyr­ir hönd Seðla­bank­ans, Hrefna Guðmunds­dótt­ir og Laura Sól­veig Lefort Scheefer eru full­trú­ar ungra um­hverf­issinna. Þor­gerður M. Þor­bjarn­ar­dótt­ir fer fyr­ir Land­vernd. Nótt Thor­berg, Hans Orri Krist­jáns­son og Vikt­oría Al­freðs­dótt­ir fara fyr­ir Green by Ice­land, Rík­h­arður Rík­h­arðs­son er full­trúi Lands­virkj­un­ar, Edda Sif Pind Ara­dótt­ir frá Car­bfix, Helga Jó­hanna Bjarna­dótt­ir og Birta Krist­ín Helga­dótt­ir fara fyr­ir Eflu, Car­ine Chateney og Eg­ill Viðars­son fara fyr­ir Verkís, Árni Hrann­ar Har­alds­son og Hjálm­ar Helgi Rögn­valds­son fara fyr­ir Orku nátt­úr­unn­ar, Bjarni Her­rera fer fyr­ir Accrona, Krist­jana María Krist­jáns­dótt­ir og Carol­ine Ott fara fyr­ir CRI, Arna Páls­dótt­ir og Snorri Þorkels­son frá Orku­veit­unni, Lotte Rosen­berg frá Car­bon Recycl­ing In­ternati­onal, Adri­an Matt­hi­as Siegrist frá Cli­meworks og Sandra Ósk Snæ­björns­dótt­ir frá Car­bfix.