Tugir hafa fundist látnir eftir að úhellisrigning olli skyndiflóðum í suðausturhlusta Spánar. Í Facebook-hópinum Íslendingar í Costa Blanca er staðan sögð grafalvarleg.
„Grafalvarleg staða í Valencia og nágrenni. Mörg þorp eru á bólakafi, hús að hrynja, AP7 Valencia-Madrid og flugvöllurinn á floti. Þúsundir manna fastir í bílum og sumir ekki svo heppnir að hafa komist undan. Hryllingur!!!,“ segir í færslu Íslendinga í Costa Blanca á Facebook. Við færsluna birtust fjölmargar ljósmyndir sem sýna hið skelfilega ástand sem nú er í suðausturhluta Spánar.
Í athugasemd við færsluna er skrifað: „Mikill harmleikur. Það eru engin orð til að lýsa upplýsingum sem eru að berast frá nágrannahéraðinu Valencia þar sem að minnsta kosti 51 dauðsföll og tugir saknaðs eru þegar skráðir.“ Síðan færslan var skrifuð hefur talað hækkað upp í að minnsta kosti 60.
Samkvæmt Reuters segir Carlos Mazon, svæðisstjóri Valencia, að sumir séu enn einangraðir á óaðgengilegum stöðum.
„Ef neyðarþjónusta hefur ekki komið, þá er það ekki vegna skorti á vilja, heldur vegna aðgangsvandamála,“ sagði Mazon á blaðamannafundi og bætti við að það væri „algerlega ómögulegt að ná til ákveðinna svæða“.
Tugir myndbanda sem deilt var á samfélagsmiðlum í nótt virtust sýna fólk fast í flóðinu, þar sem sumir klifra upp í tré til að forðast að hrífast í burtu með strauminum.
Þá sáust slökkviliðsmenn frelsa ökumenn sem voru fastir í flóðinu í bænum Alzira, að því er myndbönd á netinu sýndu.
Neyðarþjónusta á svæðinu hvatti borgara til að forðast allar ökuferðir og að fylgjast með frekari uppfærslum frá opinberum aðilum. Þá var herdeild sem sérhæfir sig í björgunaraðgerðum send á vettvangi á sumum stöðum til að aðstoða neyðarstarfsmenn á staðnum.
Spánarveðurstofan AEMET lýsti á þriðjudag yfir rauðri viðvörun í Valencia, stóru sítrusræktarsvæði, þar sem á sumum svæðum eins og Turis og Utiel mældust 200 mm úrkoma. Hún hefur síðan lækkað viðvörunina niður í gult þar sem rigningin var að mestu hætt.
Mannfallið virtist vera það versta í Evrópu af völdum flóða síðan 2021 þegar að minnsta kosti 185 létust í Þýskalandi.
Náttúruhamfarir
Búast má við stórum skjálfta í Brennisteinsfjöllum: „Auðvitað ekki langt frá höfuðborgarsvæðinu“
Eitt prósent líkur á að loftsteinn lendi á jörðinni 2032: „Kannski er best að slökkva á fréttunum“
Sérfræðingar bíða átekta: „Staðan við Svartsengi er nú í raun þannig að beðið er eftir eldgosi“
Ósáttur við orð Magnúsar um brottflutta Grindvíkinga: „Allur hetjuskapur hverfur með viðhorfi hans“
Hringvegurinn lokaður á tveimur stöðum vegna snjóflóða – Óvissustig á Fagradal
Athugasemdir