Anna Krist­jáns­dóttir er farin til Spánar eða það er að segja á meg­in­land Spánar. Frá því segir hún í nýj­ustu dag­bók­ar­færslu sinni.

Vél­stjór­inn og húmorist­inn Anna Krist­jáns­dóttir skrifar afar vin­sælar dag­bóka­færslur á Facebook og hefur gert frá því að hún flutti til Tenerife fyrir nokkrum árum. Í nýj­ustu færsl­unni seg­ist hún þurfa að birta pistil­inn óvenju snemma í dag, þar sem hún á flug til Spánar. Hlakkaði henni ekki til að ferð­ast á fyrst far­rými í þrjár klukku­stundir.

„Dagur 1907 – Spán­ar­ferð.Ég reyni að birta pistil dags­ins óvenju snemma þennan dag­inn, enda mun ég vænt­an­lega vera búin að koma mér þægi­lega fyrir í þotu Ryanair á leið til Spánar á þeim tíma sem ég birti venju­lega pistl­ana mína. Kannski er það einmitt hið hræði­leg­asta við þessa ferð mína, að sitja í almennu far­rými innan um öskr­andi smá­krakka í rúma þrjá klukku­tíma. Að auki er flogið frá norð­ur­flug­vell­inum sem er frægur að endemum.“

Þannig hefst dag­bók­ar­færsla dags­ins en því næst talar hún aðeins um hrekkja­vök­una sem var í gær:

„Ég hefi að sjálf­sögðu ekki tekið þátt í þess­ari hræði­legu hrekkja­vöku sem var í gær­kvöldi á Íslandi og vafa­laust víð­ast á Vest­ur­löndum, þó einna síst á Spáni þar sem þjóð­ar­sorg ríkir vegna flóð­anna á Valencíuhéraði. Að auki er ég ekk­ert hrifin af því að leika lík. Það verður víst nægur tími til þess á efsta degi.“

Þá segir Anna frá því að lokum að hún eigi í dag 60 ára ferm­ing­araf­mæli en hún fermd­ist með bróður sínum.

„Í dag eru liðin 60 ár frá því ég var fermd í Laug­ar­nes­kirkju í Reykja­vík af séra Garðari Svav­ars­syni, ekki búin að ná 13 ára aldri. Ástæða þess var sú að ég fermd­ist ásamt Kobba bróður mínum sem hafði einmitt náð 14 ára aldri þremur dögum áður.Best að taka það fram að það er engin almenni­leg ferm­ing­ar­mynd til af mér.“