Tónlistarmaðurinn Morrissey fékk nóg af áhorfendum í Dallas um helgina en þegar söngvarinn var að syngja síðasta lag kvöldsins réðust að minnsta kosti sex áhorfendur upp á svið og reyndu að snerta hann á einn eða annan hátt. Morrissey reyndi eins og kostur var að halda áfram að syngja en á endanum gafst hann upp á frekju áhorfenda og hætti í miðju lagi og yfirgaf sviðið við litla gleði fólksins í salnum.
Morrissey virðist ekki hafa orðið meint af miðað við myndband sem náðist af atvikinu en öryggisvörður á tónleikunum sést haltra í burtu af sviðinu eftir að hafa þurfa að koma áhorfanda þaðan.
Morrissey er einn ef þekktustu tónlistarmönnum Bretlands en hann söng með The Smiths á 9. áratug síðustu aldar og sló í gegn með lögum á borð við This Charming Man og Heaven Knows I’m Miserable Now. Frægðarsól hans hefur einnig verið hátt á lofti síðan hljómsveitin hætti en hann hefur meðal annars gefið út lögin Suedehead og Tomorrow sem margir kannast við.
Athugasemdir