Illugi spáir sviptingum hjá hæstarétti Bandaríkjanna: „Þið lásuð það sem sagt fyrst hér!“

Illugi Jök­uls­son spáir svipt­ingum hjá hæsta­rétti Banda­ríkj­anna á næstu árum, sem gæti tryggt íhalds­öfl­unum vest­an­hafs ítök næstu árátug­ina.

Spá fjöl­miðla­manns­ins Illuga Jök­uls­sonar, sem hann birtir á Facebook, rímar mjög vel við spár fjöl­miðla vest­an­hafs sem birst hafa á síð­ustu dögum, þó Illugi tali um mútur í sinni spá.

„Spá: Á næstu tveim árum verður banda­rísku hæsta­rétt­ar­dóm­ur­unum Samuel Alito og Clarence Thomas mútað til þess að segja störfum sínum lausum, svo Trump geti skipað tvo unga og mjög íhaldsama dóm­ara í þeirra stað. Kannski verður John Roberts for­seti Hæsta­réttar líka lát­inn hætta og ein­hver korn­ungur öfga­hægri­maður skip­aður í hans stað. Þannig verða tök öfga­hægri­manna á Hæsta­rétti þar vestra trygg næstu 30-40 árin hvernig sem allt velt­ist í póli­tík­inni þar frá ári til árs“ Þannig hefst spá­dóms­færsla Illuga.

Illugi segir ástæð­una fyrir þessu plotti sé skýr:

„Ástæðan fyrir því að það liggur á er að haustið 2026 verður að venju kosið um einn þriðja sæta í öld­unga­deild­inni og þar á meðal verður kosið í Maine og Norður-Karólínu, þar sem nú sitja Repúblikanar, en verði stjórn Trumps óvin­sæl þetta haust munu Demókratar eiga ágæta mögu­leika á að vinna bæði þessi sæti. Miðað við hvernig mál hafa verið að þró­ast í Texas eiga Demókratar jafn­vel séns á öld­unga­deild­ar­sæti þar. Repúblikanar munu ekki taka þá áhættu að Demókratar nái yfir­ráðum í öld­unga­deild­inni 2026 og geti þá stöðvað til­nefnda dóm­ara þeirra til Hæsta­réttar.“

Bætir hann við að lokum:

„Þess vegna munu Alito og Thomas og kannski Roberts líka segja af sér á næst­unni, en þó auð­vitað ekki fyrr en eftir að Trump verður sestur í Hvíta húsið. – Þið lásuð það sem sagt fyrst hér!“