Móðirin sem dæmd var í fang­elsi á dög­unum fyrir að verða ungum syni sínum að bana við Nýbýla­veg í Kópavogi, þjáð­ist af alvar­legu þung­lyndi. Kemur þetta fram í dóm­inum sem birtur var á heima­síðu Hér­aðs­dóms Reykja­ness í dag.

Samkvæmt frétt RÚV komust þrír dóm­kvaddir mats­menn að þeirri nið­ur­stöðu að konan hefði verið alvar­lega veik af þung­lyndi en ekki haldin geð­veiki í skiln­ingi hegn­ing­ar­laga.

Sögðu þeir hana hafa verið með­vit­aða um brot sín er hún ban­aði sex ára syni sínum með því að kæfa hann emð kodda og þegar hún gerði til­raun til þess að bana ell­efu ára sni sínum.

Í við­tali hjá Barna­húsi sagði eldri sonur kon­unnar frá því að hann hafi vaknað um nótt­ina við að móðir hans var að reyna að kæfa hann. Hann hafi þá neitað því að vilja deyja, sofnað aftur og farið í skóla morg­un­inn eftir. Móðir hans hafi sagt honum að yngri bróðir hans væri veikur. Lög­reglu­menn fóru síðan í skóla drengs­ins seinna um dag­inn og sögðu honum frá and­láti bróður hans.

Yfir­mats­menn komust að þeirri nið­ur­stöðu að erfið lífs­reynsla kon­unnar og bak­grunnur hennar sem flótta­maður, auk bjargar- og von­leysis í aðstæðum á Íslandi, hafi leitt til þess hörmu­lega atburðar. Konan þjáð­ist af þrá­hyggju gagn­vart veik­indum og taldi sig vera veika af krabba­meini, sem ekki reynd­ist rétt, sam­kvæmt læknum.

Sagðist hún, við yfir­heyrslur, hafa viljað að synir sínir kæmust til himna­ríkis áður en myndi sjálf deyja.

Eins og fram hefur komið áður í fréttum hlaut konan 18 ára fang­els­is­dóm fyrir mann­dráp og til­raun til mann­dráps, auk brots í nánu sam­bandi, þar sem drengirnir áttu að eiga sér öruggt skjól heima hjá sér og áttu sér einskis ills von.

Samkvæmt dóm­inum eru brotin til þess fallin að hafa djúp áhrif á líf og fram­tíð eldri son­ar­ins.

Auk 18 ára fang­els­is­dóms­ins þarf konan að greiða föður drengj­anna þrjár millj­ónir í miska­bætu og eldri syn­inum fimm millj­ónir í miska­bætur.