Raun­veru­leika­stjarnan Kim Kar­dashian opn­aði sig nýverið í hlað­varps­þætt­inum What in the Winkler?! um hversu erfitt er að vera ein­stæð móðir.

Í hlað­varp­inu segir hún að hún ali upp börnin sín fjögur upp svo gott sem ein og gaf í skyn að Kanye West, fyrr­ver­andi eig­in­maður hennar og barns­faðir, komi lítið nálægt upp­eldi barn­anna. Hún sagði að vera ein með börnin fjögur taki á og hún tali sjaldan um erf­ið­leik­ana þar sem hún ótt­ist að fólk dæmi hana.

Hún hélt áfram og sagði að allir litlu hlut­irnir safn­ist upp og það hafi áhrif á geð­heils­una. Henni finnst á köflum eins og hún megi ekki kvarta þar sem hún getur fengið mikla aðstoð ef hún óskar eftir henni. Hún segir samt að hún þó hún fái mikla aðstoð þá sé hún í raun ein með börnin og það sé erfitt fyrir hana.

Börnin fjögur eru 11, 8, 6 og 5 ára gömul en Kanye West er faðir þeirra allra. Þau skildu í nóv­em­ber árið 2022 og síðan þá hefur West verið á ferða­lagi með Bianca Censori, nýrri eig­in­konu sinni, um allan heim.