Anna Kristjánsdóttir kvartar yfir kuldanum á Tenerife, ef kulda skyldi kalla.
Vélstjórinn og þjóðargersemin Anna Kristjánsdóttir skrifar um meintan kulda á Tenerife, þar sem hún hefur búið síðustu árin, nýjustu dagbókarfærslu sinni á Facebook. Á meðan íbúar Íslands glíma nú við gular og appelsínugular viðvaranir með tilheyrandi hreti og skít, kvartar Anna yfir 23 gráðu hita á Tenerife. En hún viðurkennir líka að hún sé kuldaskræfa.
„Dagur 1921 – Kuldinn á Tenerife.
Ég viðurkenni alveg að ég er kuldaskræfa. Þó að útihiti á milli 23°C og 25°C sé oftast þolanlegur, flokkast hann samt sem kuldi hvað mig snertir nema þegar vindurinn segir til sín, en hitastig þar fyrir neðan að 15°C er auðvitað kuldi svo ekki sé fastar að orði komist. Síðan ískuldi þar fyrir neðan og að frostmarki, en allt þar fyrir neðan er frost. Vegna þessa verður mér oft hugsað til Grænhöfðaeyja þegar hitinn hér í Paradís fer niður fyrir 20°C, en þar skilst mér að séu að jafnaði fjórum gráðum hlýrra en hér. Það er bara eitt vandamál með Grænhöfðaeyjar. Þær eru ekki í Evrópusambandinu og því langar mig ekki til að flytja þangað og reyni að bera mig vel í kuldanum hérna.“
Þá segist Anna hafa fátt gert að viti síðustu daga nema liggja í leti:
„Það fóru allnokkrir Íslendingar til Íslands í gær eftir að hafa notið alltof stuttrar dvalar hérna, en aðrir komu í staðinn. Annars var fátt gert af viti og legið í leti allan daginn að frátöldum hefðbundnum 500 stigum í Duolingo.“
Að lokum minnist hún á tjaldbúa sem hún hefur áður skrifað um, en hann hefur nú snúið aftur og það með nýtt tjald.
„Jú eitt enn. Tjaldbúinn með tíkina sína er kominn aftur, en með nýtt tjald og búinn að koma því fyrir þannig að ég get ekki haft eftirlit með honum nema með því að færa mig yfir á næstu svalir. Hann hefur sennilega fengið nóg af eftirliti af minni hálfu, en þó veit ég að tíkin hans myndi örugglega fagna mér ef ég léti sjá mig með hundanammi meðferðis.Helvítis nagladekkin.“
húmor
Ónefndur þingmaður kvartaði yfir buxum Jóns: „Svona geta nú umræðurnar á Alþingi verið gáfulegar“
Grímur geldur fyrir sentimetrana: „Flest er dýrara fyrir þannig menn“
Anna er feimið og viðkvæmt blóm: „Hlógu bara að heilsuleysi mínu þar sem ég lá fyrir dauðanum“
Dagur gantast í umhverfisráðherra: „Fyrirspurnartímanum hefur verið frestað vegna veðurs“
Stefán Pálsson tengir við Dag Sigurðsson: „Stemningin gat orðið ansi stirð á göngum skólans“
Athugasemdir