Seðlabankinn gleður marga með vaxtalækkun: „Horfur eru á að það dragi úr spennu“

Ákveðið hefur verið að lækka stýri­vexti Seðla­banka Íslands um 0,5% en það er pen­inga­stefnu­nefnd bank­ans sem sér um slíkar ákvað­anir. Meg­in­vextir bank­ans verða því 8,5% og er þetta önnur vaxta­lækkun bank­ans í röð.

„Verð­bólga hefur hjaðnað und­an­farið og mæld­ist 5,1% í októ­ber. Hjöðnun verð­bólgu er á breiðum grunni og und­ir­liggj­andi verð­bólga hefur einnig minnkað. Þá hafa verð­bólgu­vænt­ingar almennt lækkað og raun­vextir því hækkað.

Áhrifa þétts pen­inga­legs taum­halds gætir áfram í efna­hags­um­svifum og hægt hefur á vexti inn­lendrar eft­ir­spurnar. Atvinnu­leysi heldur áfram að þok­ast upp og horfur eru á að það dragi úr spennu í þjóð­ar­bú­inu þótt það ger­ist hægar en áður var talið,“ segir í til­kynn­ingu frá bank­anum um þessa ákvörðun en vextir fóru hæst í 9,25% í fyrra.

„Þrálát verð­bólga og verð­bólgu­vænt­ingar yfir mark­miði kalla þó á var­kárni. Áfram þarf því að við­halda hæfi­legu aðhalds­stigi til þess að koma verð­bólgu í mark­mið innan ásætt­an­legs tíma.

Mótun pen­inga­stefn­unnar næstu miss­eri mun sem fyrr ráð­ast af þróun efna­hags­um­svifa, verð­bólgu og verð­bólgu­vænt­inga.“

Vextir á daglánum verða því 10,25%, lánum gegn veði til sjö daga 9,25%, inn­lán bundin í sjö daga 8,5% og við­skipta­reikn­ingum 8,25%