LungA-skól­inn opnar nýja náms­braut, LungA útvarps­skól­inn, sem fer alfarið fram í útvarpi. Opið er fyrir umsóknir til 15. des­em­ber 2024 fyrir fyrsta skóla­árið, sem stendur frá febr­úar til des­em­ber 2025. 

LungA útvarps­skól­inn er ekki skóli um útvarp, sam­kvæmt til­kynn­ingu frá skól­anum en hann er skóli í/á/gegnum útvarp. Þetta er tíma­bundið sam­fé­lag þar sem skóla­starfið spannar 10 mán­uði og sam­anstendur af tíu þátt­tak­endum, gest­gjöfum, sem hver um sig býr á sínum ein­staka stað.

LungA-skól­inn er lista­manna­rek­inn lýð­skóli sem hefur boðið upp á 12 vikna annir í list­námi á Seyð­is­firði síð­ast­liðin 10 ár. Árið 2023 setti skól­inn á fót nýja LAND braut sem leggur áherslu á tengslin við fjörð­inn og mót­ast af árs­tíð­unum eins og þær þró­ast. Útvarps­skól­inn er fyrsta náms­braut LungA-skól­ans sem er aðgengi­leg um allan heim í fjar­námi, en einnig verður útvarpað á staðnum í gegnum Sam­fé­lags­út­varp Seyð­is­fjarðar 107,1 FM.

LungA útvarps­skól­inn var hann­aður í beinni í útvarp­inu af Jonatan Spejl­borg Juelsbo, Mariana Murcia, Lasse Høgenhof og Ellem Skovhøj, sem munu öll taka við hlut­verkum braut­ar­stjóra skól­ans. Námið mun fela í sér nám­skeið á vegum gesta­lista­manna og þátt­tak­enda ásamt fundum til að deila vinnu­að­ferðum, hlust­un­ar­tímum, les­hópum, sýn­ingum, mál­tíðum, göngu­ferðum, útvarps­til­raunum og fleira.  

„Útvarp er stundum bara her­bergi sem maður kemur inn í. Einn eða með öðrum. Minni eða stærri sam­komur. Samtal. Leshópur. Morg­un­æf­ing. Biðstofa (þrösk­uldur að bið­stofu),“ segir í til­kynn­ingu frá LungA-skól­anum.