Össur tekur upp hanskann fyrir Dag: „Hef vaxandi efasemdir um meðalgreindina í Valhöll“

Össur Skarp­héð­ins­son skensar Sjálf­stæð­is­flokk­inn í nýrri Facebook-færslu og seg­ist efast um með­al­greind­ina í Valhöll.

Líf­fræð­ing­ur­inn og fyrrum ráð­herra Sam­fylk­ing­ar­innar, Össur Skarp­héð­ins­son lætur Sjálf­stæð­is­menn heyra það í nýrri Facebook-færslu en þar gerir hann brand­ara Dags B. Egg­erts­sonar sem hleypt hefur illu blóði í Sjálf­stæð­is­flokk­inn, að umtals­efni.

„Húmor Dags og panikin í Valhöll

Dagur B. er í bana­stuði og besti brand­ar­inn í kosn­inga­bar­átt­unni var þegar hann svar­aði fúk­yrðum ein­hverra Sjálf­stæð­is­manna með því að benda þeim vin­sam­leg­ast á að strika sig bara út á kosn­inga­dag­inn! Í Valhöll ríkir hins vegar panik þessa dag­ana enda með allt í skrúf­unni.“ Þannig hefst færslan en Össur heldur áfram:

„Eftir meit­lað húmor­ískt inn­legg Dags kom Andri Steinn Hilm­ars­son, fram­kvæmda­stjóri þing­flokks íhalds­ins, fölur og sveittur í miðl­ana til að ásaka Dag um að afvega­leiða kjós­endur. Andri Steinn und­ir­strik­aði með and­köfum að kjós­endur flokks­ins mættu alls ekki strika Dag út eftir að krossa við D. Það myndi ógilda atkvæða­seð­il­inn! – Herra trúr! Ég held ekki að kjós­endur Sjálf­stæð­is­flokks­ins séu asnar. Fram­kvæmda­stjóri þing­flokks­ins virð­ist þó skv. ofan­greindu allt ann­arrar skoð­unar.“

Að lokum seg­ist Össur hafa efa­semdir um gáfn­a­r­farið í Valhöll:

„Ég hef hins vegar vax­andi efa­semdir um með­al­greind­ina í Valhöll. Fólk sem lætur Dag B. Egg­erts­son slá sig út af lag­inu með lauf­léttum brand­ara er kanski ekki best fallið til að reka kosn­inga­bar­áttu. Það skýrir kanski hrak­farir Sjálf­stæð­is­flokks­ins þessa dag­ana…“