Fimmtíu og sjö ára bíl­stjóri drátt­ar­vélar sem kall­aður hefur verið „erki­fífl af iðn­að­ar­skala“ af not­endum sam­fé­lags­miðla hefur verið hand­tek­inn eftir að hafa plægt um flóð­götur í Tenbury Wells.

Í mynd­bandi sem deilt var á sam­fé­lags­miðlum sjást bylgjur sem komu frá drátt­ar­vél­inni, brjóta búð­ar­rúður, þar sem flóð­vatn streymdi í gegnum hinn sögu­lega bæ á sunnu­dag.

Í mynd­band­inu má heyra fólk segja: „Þetta hefur valdið svo miklu tjóni, allar búðir upp við High Street.“

Margir fyr­ir­tækja­eig­endur sögðu að atvikið hafi ollið en meiri skemmdum á hús­næðum sem þegar höfðu orðið fyrir flóðum.

Mið­bær­inn fór á kaf á mánu­dag eftir að veggur hrundi þegar áin Kyre Brook flæddi yfir hann, sem olli því að vatns­bylgjur streymdu um göt­urnar.

Eft­ir­lits­maður Dave Wise, sem stýrir hverfisteymi í Tenbury Wells, sagði: „Mig langar að þakka öllum sem vöktu athygli okkar á þessu atviki og nær­sam­fé­lag­inu fyrir sam­starfið og stuðn­ing­inn í gær á meðan við rann­sök­uðum málið. Ég skil upp­námið og reið­ina sem atvikið olli og ég vona að hand­takan sem við gerðum í gær­kvöldi skapi full­vissu um að við séum virkir að rann­saka málið. Lög­reglu­menn munu halda áfram að vera á vappi í Tenbury á næstu dögum til að aðstoða nær­sam­fé­lagið og sam­starfs­stofn­anir okkar við end­ur­heimt í kjöl­far flóð­anna.“

Storm­ur­inn Bert heldur áfram að valda ringul­reið um Bretland í dag, en þar eru 132 flóða­við­var­anir enn í gildi, þar á meðal við­var­anir um „lífs­hættu“.

Heimili fóru á kaf og fyr­ir­tæki og skólar neydd­ust til að loka eftir að vindar gengu yfir hluta Bret­lands sem mest fóru í 36 metra á sek­úndu.

Þó að síð­ustu rign­ing­ar­við­vör­unum frá veð­ur­stofu Bret­lands lauk klukkan 23:59 á sunnu­dag, mun sterkur vindur halda áfram og búist er við að rign­ing frá hálendi nái í ár, sem gæti hamlað hreins­un­ar­starfi.