Lög­reglu­maður sem stuð­aði 95 ára gamla heila­bil­aða langömmu til bana á hjúkr­un­ar­heim­il­inu þar sem hún bjó hefur verið fund­inn sekur um mann­dráp af gáleysi.

Kristian White, sem er 34 ára, not­aði vopn sitt, raf­byssu, á Clare Nowland eftir að hún fannst ráf­andi um Yallambee Lodge umönn­un­ar­heim­ilið í bænum Cooma, bæ sem er um 275 km suður af Canberra í Ástralíu, 17. maí 2023. Lögregla og sjúkra­lið voru kölluð á vett­vang um klukkan fjögur um nótt í kjöl­far frétta um að frú Nowland hefði gengið um heim­ilið með tvo steik­ar­hnífa.

Hinn átak­an­legur dauði frú Nowland vakti mikla reiði almenn­ings, en hinn hátt­setti lög­reglu­þjónn, White hélt því fram að vald­beit­ing hans væri sann­gjörn og hóf­leg í rétt­ar­höld­unum. Sak­sókn­arar héldu því fram að engin hætta hafi stafað af frú Nowland fyrir lög­reglu­mann­inn og að „óþol­in­móður“ White hefði haft umönn­un­ar­skyldu gangvart hinni öldr­uðu langömmu, sem vó aðeins 48 kg.

Þó hún hafi ekki verið opin­ber­lega greind með heila­bilun, hafði frú Nowland sýnt merki um vit­ræna hnignun mán­uðum saman fyrir and­lát sitt og hafði áður hegðað sér á árás­ar­gjarnan hátt gagn­vart heil­brigð­is­starfs­mönnum. Hún hafði á einum tíma­punkti farið inn í her­bergi ann­ars heim­ilis á hjúkr­un­ar­heim­il­inu á meðan hún hélt á hníf­unum, en hann sagði fyrir dómi að hann hafi ekki ótt­ast um öryggi sitt.

Í öðru til­viki hafði hún kastað hníf að starfs­manni. Þegar hún fann langömm­una sagð­ist lög­reglan hafa beðið hana ítrekað um að sleppa hníf sem hún hélt í hægri hönd og reynt að afvopna hana eftir að hafa klætt sig í þykka hanska. Upptökur voru sýndar í rétt­ar­salnum, sem sýndu kon­una nota göngu­grind­ina sína til að færa sig einn metra, sem tók hana eina mín­útu, áður en hún stopp­aði til að lyfta hnífnum.

White ákvað þá að skjóta á kon­una með raf­byssu eftir að hann hafði lyfti vopni sínu og beint því að henni og varað hana við, áður en hann sagði „skítt með það“ og tók í gikk­inn. Nowland var enn í meira en metra fjar­lægð frá lög­reglu­mann­inum en hún féll í gólfið eftir að hún var stuðuð, og fékk við fallið höf­uð­högg sem olli ban­vænni blæð­ingu í heila.

Lög­reglu­mann­inum þótti stafa ógn af hinni 95 ára langömmu.

Mynd: Trausti Haf­steins­son

Brett Hatfield, sak­sókn­ari krún­unnar, sagði við kvið­dóm­endur: „Hverja gæti hún hafa sært á því augna­bliki? Engan.“ Sak­sókn­ari hélt því fram að White hafi „ekki verið reiðu­bú­inn að bíða lengur“ og því skotið á frú Nowland. Lög­reglu­mað­ur­inn hélt því fram í skrif­legri skýrslu að hann hefði notað raf­byssu sínu þar sem hann taldi „ofbeld­is­verkn­aður yfir­vof­andi“.

Lög­reglu­mað­ur­inn sagð­ist einnig ekki hafa talið að hún myndi slasast illa og að dauði hennar hefði ollið því að hann væri „eyði­lagður“ en verj­endur hans vitn­uðu í sönn­un­ar­gögn frá sjúkra­liðum og lög­reglu­fé­laga White, sem sögð­ust hafa fund­ist ógn stafa af hinni öldr­uðu langömu. Dómarar dæmdu White að lokum sekan um mann­dráp af gáleysi. Fjöl­skylda Nowland þakk­aði þeim sem tóku þátt í mál­inu fyrir störf þeirra.

Í yfir­lýs­ingu frá lög­fræð­ingi fjöl­skyld­unnar segir: „Fjöl­skyldan mun taka nokkurn tíma að átta sig á þeirri stað­fest­ingu kvið­dóms­ins um að dauði Clare af hendi starf­andi lög­reglu­manns í NSW hafi verið vegna glæp­sam­legs og órétt­læt­an­legs athæfis.

Karen Webb, lög­reglu­stjóri NSW, sagði að störf White hjá lög­regl­unni væri enn til skoð­unar. Hún bætti við að raf­byssu­stefna og þjálfun lög­reglu­sveit­ar­innar hefði einnig verið end­ur­skoðuð, en þær reynd­ust við­eig­andi.

„Dauði Clare Nowland er hræði­legur harm­leikur … þetta hefði aldrei átt að ger­ast,“ sagði hún. White, sem er enn laus gegn trygg­ingu, mun hljóta dóm síðar.