Segir þörf á varnarmálaráðuneyti – Ísland verður beinn þátttakandi ef stríð breiðist út í Evrópu

Ísland er ekki und­an­skilið í stríði, brjót­ist út vopnuð átök utan landamæra Úkraínu sam­kvæmt fyrr­ver­andi skrif­stofu­stjóra varn­ar­mála­skrif­stofu Íslands.

Fram kemur í mbl.is í dag að vegna stríðs­ins í Úkraínu og auk­innar spennu á alþjóða­vísu, standi Ísland nú frammi fyrir gjör­breyttu lands­lagi þegar kemur að varn­ar­málum.

Fyrr­ver­andi skrif­stofu­stjóri varn­ar­mála­skrif­stofu, Arnór Sig­ur­jóns­son, segir í Morg­un­blað­inu í dag að þörf sé á sér­stöku varn­ar­mála­ráðu­neyti sem og varn­ar­mála­nefnd á Alþingi. Mála­flokk­inn þarf að taka mun alvar­legar, sér­stak­lega í ljósi síauk­innar spennu í Evrópu.

Segir hann að ef vopnuð átök brjót­ist út utan landamæra Úkraínu, mun land­fræði­leg lega Íslands valda því að landið verði beinn þátt­tak­andi í stríð­inu, hvort sem Íslend­ingum líkar það betur eða verr. Stað­setn­ing Íslands sé „mjög mik­il­væg“ fyrir eft­ir­lit með skipa og kaf­báta­um­ferð sem og með birgða­flutn­ingum frá Norður-Ameríku til Evrópu.