Stétt­ar­fé­lagið VR segir fram­komu SVEIT í mál­efnum er snúa að stétt­ar­fé­lag­inu Virðingu vera fyrir neðan allar hellur en stærstu stétt­ar­fé­lög lands­ins saka Virðingu um að vera gervi­stétt­ar­fé­lag sem er ætlað að draga úr rétt­indum launa­fólks. Þá er SVEIT sakað um að standa fyrir stofnun stétt­ar­fé­lags­ins.

„Stjórn VR for­dæmir atlögu atvinnu­rek­enda innan SVEIT, sam­tökum fyr­ir­tækja á veit­inga­mark­aði, að rétt­indum og kjörum launa­fólks á Íslandi. SVEIT hefur stofnað gult stétt­ar­fé­lag sem gengur undir heit­inu Virðing og útbúið „kjara­samn­ing“ sem felur í sér beinar kjara­skerð­ingar fyrir starfs­fólk í veit­inga- og gisti­húsa­geir­anum. Virðing upp­fyllir ekki grund­vall­ar­kröfur sem gerðar eru til stétt­ar­fé­laga, heldur er um að ræða félag sem er stofnað af atvinnu­rek­endum sem síðan semja við sjálfa sig, fremur en að semja við starfs­fólk. Þar með flokk­ast Virðing sem gult stétt­ar­fé­lag en slík félög grafa undan rétt­indum og hags­munum launa­fólks og ganga í raun erinda atvinnu­rek­enda“, segir í til­kynn­ingu frá félag­inu en SVEIT hefur hafnað öllum ásök­unum sem stétt­ar­fé­lögin hafa sett fram varð­andi Virðingu.

Svívirðileg atlaga að réttindum

„Stjórn VR tekur heils­hugar undir gagn­rýni Eflingar og SGS á SVEIT og hvatn­ingu um að snið­ganga félagið. Virðing beinir spjótum sínum að fólki í við­kvæmri stöðu, erlendu launa­fólki, ungu fólki og þeim sem þekkja síður rétt­indi sín á vinnu­mark­aði. Stjórn VR vill sér­stak­lega hvetja félags­fólk að hafa sam­band við VR ef atvinnu­rek­andi fer þess á leit að við­kom­andi gangi í Virðingu og/eða vinni eftir svoköll­uðum „kjara­samn­ingi“ Virð­ingar. Kjara­samn­ingur Virð­ingar er í öllum atriðum mun lak­ari en kjara­samn­ingar VR og felur í sér skerð­ingu á kjörum starfs­fólks í ferða­þjón­ustu. Launa­taxtar eru lægri, dag­vinnu­tíma­bil er lengra og nær inn á laug­ar­dag, upp­sagn­ar­frestur er mun lak­ari sem og veik­inda­réttur og önnur rétt­indi eru skert veru­lega, svo fátt eitt sé nefnt. Kjara­samn­ingur Virð­ingar gengur að auki gegn lögum um vinnu­mark­að­inn.

Framkoma Virð­ingar og SVEIT er að mati stjórnar VR sví­virði­leg atlaga að rétt­indum launa­fólks og markar aft­ur­för í kjara­bar­áttu. Stjórn VR hvetur launa­fólk sem og atvinnu­rek­endur til að hafna þess­ari atlögu. Samstaða á vinnu­mark­aði er mik­il­væg þegar kemur að því að standa vörð um grund­vall­ar­rétt­indi launa­fólks og á það að vera sam­eig­in­legt verk­efni aðila vinnu­mark­að­ar­ins að tryggja þau.“