Fram kemur á frétta­miðl­inum DV að mik­illar óánægju gæti á sam­fé­lags­miðlum með tón­leika íslensku hljóm­sveit­ar­innar IceGuys er fram fóru í Laug­ar­dals­höll í gær.

Virðist óánægjan fyrst og síð­ast vera hjá for­eldrum þeirra barna er sáu lítið sem ekk­ert svið­inu vegna for­eldra er stóðu fyrir framan þau; voru þá með börn sín á háhesti og bokk­uði útsýni margra barna.

For­eldrar er kvört­uðu voru margir hverjir eigi í aðstöðu til að hafa sín eigin börn á háhesti og ein móðir skrif­aði færslu á sam­fé­lags­miðla um málið og fékk góðar und­ir­tektir:

„Ég get ekki verið eina for­eldrið sem fór svekkt af fjöl­skyldu Ice Guys tón­leik­unum með tvær litlar sálir sem urðu fyrir svo miklum von­brigðum að sjá ekk­ert fyrir full­orðnu fólki með börn á háhest. Það þarf að gera betur!! Það var hræði­legt að horfa uppá öll börnin í örvænt­ingu að vilja sjá strák­ana á svið­inu en sáu ekk­ert. Það var kvartað undan þessu í fyrra líka og við­burða­stjórnin gerði betur og færðu tón­leik­ana og settu upp skjái en.. EKKERT barn sá sviðið NÉ skjá­inn nema vera á háhest vegna þeirra sem voru með börnin á háhest. Það eru ekki allir for­eldrar í þeirri stöðu að geta hent börn­unum upp á háhest. Þið sem eigið eftir að fara gerið betur og setjið börnin á háhest aft­ast.“

Önnur skrif voru svona:

„Sár­vor­kenndi öllum svekktu börn­unum sem sáu ekk­ert. Ég sjálf er 178 og sá varla neitt. Mín 11 ára stóð alveg við sviðið þangað til það kom ein­hver full­orð­inn kona með dóttur sína og ýtti minni stelpu í burtu (svo fast að mín datt á grind­verk og fékk mar­blett) sagði svo að dóttir sín sæi ekki neitt fyrir henni !! Við mættum snemma til þess að hún gæti kom­ist að svið­inu og end­aði á fara svo aft­ast alveg miður sín eftir að kerl­ingin ýtti henni burt.. fokk­ing frekja í full­orðnu fólki.“

Svo svona:

„Mjög sam­mála, 8 ára sonur minn sá hvorki á skjá­inn né sviðið fyrir fólki með börn á háhesti og ég er bara 150cm á hæð og átti erfitt með að sjá á skjá­inn og ekki séns fyrir mig að sjá á sviðið!“ „Það þarf klár­lega að skipu­leggja þetta betur!“