Neytendastofa sparkar í rass tugi veitingastaða vegna skorts á íslensku

Neyt­enda­stofu hafa borist ábend­ingar vegna notk­unar erlendra tungu­mála í mark­aðs­setn­ingu í miðbæ Reykja­víkur segir í til­kynn­ing­unni frá stofn­un­inni. Af því til­efni og vegna áherslu sem stofn­unin hefur haft á að fylgja eftir ábend­ingum um tungu­mála­notkun var ákveðið að byrja á að skoða mat­seðla og mark­aðs­efni veit­inga­staða í mið­bænum.

„Tekin var skoðun á 83 veit­inga­stöðum og kom í ljós að aðeins tveir höfðu engan mat­seðil við inn­göngu­dyr. Algengt var að mat­seð­ill væri birtur á íslensku og erlendu tungu­máli en þó voru gerðar athuga­semdir við að 34 veit­inga­staðir birtu mat­seðil og annað kynn­ing­ar­efni bara á ensku. Þessu til við­bótar voru gerðar athuga­semdir við að sex veit­inga­staðir sem höfðu mat­seðla sýni­lega á íslensku birtu annað kynn­ing­ar­efni ein­göngu á ensku. Í síð­ast­nefnda til­vik­inu sendi Neyt­enda­stofa veit­inga­stöð­unum leið­bein­ingar um skyldu til að not­ast við íslensku í mark­aðs­efni,“ segir Neyt­enda­stofa um athugun sína.

Síðar var farið aðra ferð á stað­ina sem ekki stóðu sig í stykk­inu og höfðu þá 18 staðir gert breyt­ingar sem réttar þóttu. Neyt­enda­stofa mun nú taka upp form­lega máls­með­ferð gagn­vart þeim stöðum sem ekki brugð­ust við athuga­semdum stofn­un­ar­innar.