Stríðsþreyta gefur von um Sýrland: „Menn nenna ekki endalaust að vera brúkaðir í fallbyssufóður“

Valur Gunn­ars­son er hóf­lega bjart­sýnn á fram­tíð Sýrlands og segir ástæð­una vera stríðs­þreyta.

Sagn­fræð­ing­ur­inn og rit­höf­und­ur­inn Valur Gunn­ars­son veit eitt og annað um stríð en hann hefur meðal ann­ars dvalið um tíma í Úkraínu, bæði fyrir og eftir að stríðið þar braust út. Segir hann í nýlegri Facebook-færslu að stríðs­þreyta gefi honum „hóf­stilltar vonir“ um Sýrland, sem nýverið var her­tekið af upp­reisn­ar­mönnum and­vígum Assad for­seta. Nefnir Valur dæmi úr sögu Evrópu þegar svipað var uppi á ten­ingnum, vegna stríðs­þreytu nennti fólk ekki frek­ari átökum.

Hér má sjá færsl­una í heild sinni:

„Það sem gefur manni hóf­stilltar vonir um Sýrland er að stríðs­þreytan þar er orðin það mikil að það nennir eng­inn meiri átökum. Stríðs­þreyta er besta frið­ar­meðal sem til er og hefur virkað í Evrópu frá 1945 og fram á síð­ustu ár. Þegar ég bjó í Belfast var lít­ill kær­leikur á milli mót­mæl­enda og kaþ­ólikka en eng­inn nennti aftur í fyrra ástand. Það sama var uppi á ten­ingnum í Bosníu þótt þar sé fremur brot­hætt ástand. Og í smá­bæjum Rúss­lands er ekki lengur verið að veifa zetumerkjum, þar sem hinir verst settu töldu að sinn tími væri nú kom­inn þegar stríð braust út. Menn nenna ekki enda­laust að vera brúkaðir í fall­byssu­fóður. Stríð leysir engin vanda­mál, líkt og þeir vita sem það hafa reynt.“