Goð­sögnin Labbi í Mánum er dauð­leiður á síend­ur­sýndum jóla­myndum Rík­is­út­varps­ins. Útvarps­mað­ur­inn Ólafur Páll Gunn­ars­son er honum ósam­mála.

Ólafur Þór­ar­ins­son eða Labbi í Mánum eins og hann er yfir­leitt kall­aður, skrif­aði Facebook-færslu í gær þar sem hann jós úr skálum pirr­ings­ins vegna sjón­varps­efn­is­ins sem RÚV bíður upp á um jóla­há­tíð­ina.

Í færsl­unni veltir Labbi því fyrir sér hvort ein­hver horfi á „þessar eld­gömlu döbbuðu jóla og hátíða­sjón­varps­myndir sem RUV býður upp á ára­tugi eftir ára­tugi“ og seg­ist ekki minn­ast þess að nokkur þeirra sem hann hefur eytt jól­unum með, hafi horft á þetta efni.

„Mig langar að varpa fram einni spurn­ingu fyrir for­vitn­issakir. Er ein­hver mann­vera sem horfir á þessar eld­gömlu döbbuðu jóla og hátíð­ar­sjón­varps­myndir sem RUV býður upp á ára­tugi eftir ára­tugi? Ég hef flest jól verið með fólki frá nokk­urra ára upp í elli­belgi eins og mig. Ekki minn­ist ég að neitt af þessu fólki, og kannski síst það yngra sem þetta virð­ist þó sniðið fyrir hafi stað­næmst yfir þessu myndefni svona tvo síð­ustu ára­tug­ina alla­vega. En fróð­legt að vita álit ann­ara.“

Við­brögðin við færsl­unni eru á ýmsa vegu en þó eru flestir á sama máli og tón­list­ar­mað­ur­inn. Einn starfs­maður RÚV tók þó upp hansk­ann fyrir rík­is­fjöl­mið­ill en það var útvarps­mað­ur­inn Ólafur Páll Gunn­ars­son, Óli Palli.

Eftir að hafa bent á dag­skrá sem honum fannst góð og verið svarað af konu sem vildi meina að þetta væri ekki nógu fjöl­skyldu­vænt og að ung­ling­ur­inn á heim­il­inu hefði lít­inn áhuga á Johnny King, svar­aði Óli Palli:

„Ég er nú bara neyt­andi eins og þú – finnst sjón­varpið yfir­leitt það gott að ég myndi ekki vilja vera án þess – held hrein­lega að það væri verra að búa á RÚV-lausu landi. Hér erum við að tala um línu­lega dag­skrá og veit að fólkið sem starfar við að stilla upp dag­skrá gerir það af góðum hug og vandar sig mikið. Rúv býður einmitt upp á þannig dag­skrá yfir­leitt að maður veit ekki hvort maður hefur gaman af þáttum eða myndum – fyrr en maður er búinn að horfa. Myndin um Johnny King er ný íslensk mynd sem hefur vakið athygli og hlotið verð­laun. Með því að sýna hana akkúrat í kvöld er RÚV að standa sig í stykk­inu og “tikka” í mörg box-

a) Leggja áherslu á Íslenska menn­ingu.b) Sýna nýja íslenska kvik­mynd.c) Styðja við íslenska kvik­mynda­gerð.d) Segja sögur af íslend­ingum.Og svo fram­vegis.

Ef þú nennir alls ekki að horfa á mynd­ina um Johnny King hlýtur þú að geta fundið eitt­hvað annað í spil­ara RÚV. Eða hvað?“