Katrín gerir upp tímamótaár: „Stolt af minni baráttu“

Katrín Jak­obs­dóttir, fyrr­ver­andi for­sæt­is­ráð­herra og for­seta­fram­bjóð­andi, gerir upp árið í nýjum pistli sem hún setti á sam­fé­lags­miðla fyrr í dag en óhætt er að segja að árið hennar hafi verið nokkuð tíð­inda­mikið.

„Þá lýkur þessu ári og nýtt tekur við. Stundum verð ég varla vör við ára­mót því fátt breyt­ist en svo sann­ar­lega má segja um þetta ár að það hafi markað tíma­mót; ekki endi­lega núna um ára­mótin heldur árið sjálft. Ég byrj­aði árið á kafi í vinnu eins og und­an­farna ára­tugi þar sem mál­efni Grind­vík­inga og kjara­samn­ingar á almennum vinnu­mark­aði voru mér efst í huga,“ skrifar Katrín en víkur svo máli sínu að for­seta­fram­boð­inu en hún tók ákvörðun að segja af sér sem for­sæt­is­ráð­herra og þing­maður til að bjóða sig fram til for­seta Íslands.

„Síðan breytt­ist allt þegar ég ákvað að gefa kost á mér í for­seta­fram­boð vegna mik­illar hvatn­ingar og fjölda áskor­ana. Við tók ekki minni vinna en öðru­vísi þar sem ég fékk það ein­stæða tæki­færi að eiga stefnu­mót við þjóð­ina og hitta ótrú­legan fjölda fólks hring­inn í kringum landið. Þó að ekki hafi ég borið sigur úr bítum í kosn­ing­unum var ég stolt af minni bar­áttu og þakk­lát fyrir allt það frá­bæra fólk sem vann með mér í bar­átt­unni,“ en sumir telja að brott­hvarf hennar hafi tryggt fall rík­is­stjórn­ar­innar og orðið til þess að Vinstri Græn náðu ekki inn á þing í nýaf­stöðnum kosn­ingum.

Spenn­andi verk­efni fram undan

„Seinni­hlut­inn af árinu var öðru­vísi. Hann fól í sér úrvinnslu, end­ur­heimt og upp­bygg­ingu – allt hlutir sem ég hef gefið mér lít­inn tíma í á und­an­förnum árum og ára­tugum. Og enn þakka ég fyrir allt þetta frá­bæra fólk í kringum mig, gamlir og nýir vinir sem hafa gefið mér nýja reynslu, nýjar hugs­anir og ný verk­efni. Ég ætla ekki að fara að telja neinn upp – upp­taln­ingin yrði allt of löng – en ég staldra stundum við og þakka fyrir áskor­an­irnar sem þið hafið fært mér á árinu. Þið vitið hver þið eruð!

Nú tekur við nýtt ár. Framundan eru spenn­andi verk­efni sem ég brenn fyrir og hlakka til að sinna. En fyrst kveðjum við gamla árið og eins og und­an­farin 17 ár þá gerum við á mínu heim­ili það með því að fagna afmæli miðju­son­ar­ins sem kom í þennan heim á gaml­árs­dag 2007. Hann kvaddi gamla árið með því að keppa í hlaupum í gær og standa vakt­ina í gamlárs­hlaupi ÍR í dag (alltaf frekar upp­tekin eins og ein kona sem ég þekki) en við fáum að eiga stund með honum eftir hádegið í dag. Ef þetta ár hefur kennt mér eitt­hvað er það hvað stund­irnar með sínum nán­ustu eru dýr­mætar!

Gleði­legt ár kæru vinir!“ skrifar Katrín svo að lokum.