Enginn gisti fangageymslur lögreglunnar í nótt. Sú staða er afar sérstök þar sem algengast er að lögregl,an hýsi einhverja vegna meintra afbrota eða þess að vera sjálfum sér hættulegir.
Tilkynnt var um þjófnað á vegabréfum og greiðslukortum. Við rannsókn málsins fundust verðmætin og einn kærður, grunaður um þjófnað og húsbrot.
Talið er að flugeldaterta hafi sett í gang brunakerfi í skóla. Slökkvilið var boðað á vettvang. Ekki reyndist vera laus eldurm, aðeins reykur. Litlar reykskemmdir.
Hafnarfjarðarlögregla stöðvaði ökumann í akstri. Sá er grunaður um akstur undir áhrifum ávana og fíkniefna. Hinn grunaði var látinn laus að lokinni blóðsýnatöku.
Ökumaður var stöðvaður á sömu slóðum vegna hraðaksturs. Sá var mældur á 128 kílómetra hraða þar sem leyfilegur hámarkshraði.
Hópur ungmenna sprengdi flugeld inni á sameign. Sá verknaður olli minniháttar tjóni.
Lögreglan var kölluð til vegna manns í annarlegu ástandi sem var með „oddhvöss vopn“ meðferðis. Lögregla hafði upp á manninum ringlaða sem reyndist vera með tvo billiardkjuða. Vegna ástands hans var hald lagt á kjuðana en honum kynnt að hann gæti nálgast þá þegar ástand hans yrði skárra.
Tilkynnt um líkamsárás. Einn handtekinn á vettvangi og málið í rannsókn.
Dagbók lögreglunnar
Ógnaði starfsfólki Geðdeildar – Tróð inn á sig vörum á meðan lögreglumaður ræddi við annan þjóf
Einstaklingur í annarlegu ástandi hrækti á lögreglumenn – Fundu ökumann í fjöru
Berserkur í húsi hjálparstofnunnar
Sofnaði á salerninu
Þrír handteknir grunaðir um að handleika skammbyssu í bíl – Ógnandi maður á veitingastað
Athugasemdir