Brynjar Níelsson hæðist að nýju ríkisstjórn Kristrúnar Frostadóttur og segir hana meðal annars lofa upp í ermina á sér.
Brynjar Níelsson, Socius parlamenti emeritus, eða uppgjafaþingmaður Sjálfstæðisflokksins skrifaði rétt í þessu færslu á Facebook sem er löðrandi í kaldhæðni og jafnvel biturð gagnvart nýju ríkisstjórn Valkyrjanna svokölluðu. Hæðist Brynjar að ríkisstjórninni í færslunni en þó undir rós, lítilli rós en rós er rós er rós eins og Geirþrúður sagði um árið.
Færslan hefst á eftirfarandi hátt:
„Eftir 40 ára samfelldan valdatíma Soffíu á heimilinu tók ég völdum á sama tíma og ný ríkisstjórn. Soffía er mjög hugsi yfir þessum valdaskiptum og telur, eins og Sjálfstæðisflokkuirnn , og að allt fari í skrúfuna án aðkomu hennar. Segir mig reynslulausan, þekkingin lítil sem engin og ég lofi upp í ermina á mér. Gagnrýni og ábendingum taki ég mjög illa og ýmist hreyti í hana ónotum eða bresti í söng.“
Brynjar segir hafa þjóðina með sér og að hann hafi opnað samráðsgátt.
„En ég er æðislegur og hef þjóðina með mér. Soffía veit ekki að ég hef plan. Ég hef opnað samráðsgátt til að fá tillögur frá þjóðinni hvernig hægt sé að spara í heimilisrekstrinum án þess að draga úr áfengis- og nikótínsneyslu forstjórans eða golfferðum hans. Einu brúklegu tillögurnar hingað til eru að hætta að kaupa brennivínsálfinn frá SÁÁ í tonnatali, hætta að fjármagna uppeldi og menntun barna um allan heim og leggja auðlindagjöld á börnin og barnabörnin. Svo hefur mér verið bent á að löngu tímabært sé að hætta smokkakaupum og annarri eyðslu í getnaðarvarnir.“
Að lokum segist Brynjar hafa fundist hann þurfa að tilkynna forstjóraskiptin.
„Ég var búinn að ákveða að taka mér hlé frá skrifum en fannst að ég þyrfti að láta þjóðina vita af þessum forstjóraskiptum á heimilinu.“
húmor
Ónefndur þingmaður kvartaði yfir buxum Jóns: „Svona geta nú umræðurnar á Alþingi verið gáfulegar“
Grímur geldur fyrir sentimetrana: „Flest er dýrara fyrir þannig menn“
Anna er feimið og viðkvæmt blóm: „Hlógu bara að heilsuleysi mínu þar sem ég lá fyrir dauðanum“
Dagur gantast í umhverfisráðherra: „Fyrirspurnartímanum hefur verið frestað vegna veðurs“
Stefán Pálsson tengir við Dag Sigurðsson: „Stemningin gat orðið ansi stirð á göngum skólans“
Athugasemdir