Eins og greint var frá fyrr í dag lést tón­list­ar­mað­ur­inn Árni Grétar Jóhann­es­son í gær en hann var þekktur und­ir­lista­manns­nafn­inu Futuregrap­her.

Árni hafði um ára­bil verið einn af fremstu raf­tón­list­ar­mönnum Íslands og hafa fáir íslenskir tón­list­ar­menn gefið út jafn mikið af tón­list og hann gerði þrátt fyrir að hafa verið aðeins 41 árs gam­all við and­lát. Auk þess að búa til tón­list hjálp­aði hann öðrum tón­list­ar­mönnum að koma sinni tón­list á fram­færi og var einn af stofn­endum Möller Records og þá stofn­aði hann útgáfu­fyr­ir­tækið Móatún 7 árið 2018 sem hefur gefið út tón­list eftir lista­menn á borð við Jóhannes Pálmason, Myoptik og BioFusion.

Hann kom reglu­lega fram á tón­leikum og spil­aði meðal ann­ars á Iceland Airwaves, Sonar Reykja­vík, Aldrei fór ég suður og Extreme Chill auk þess að spila erlendis með reglu­legu milli­bili.

Í ein­lægu við­tali sem Árni veitti Morg­un­blað­inu árið 2016 ræddi hann meðal ann­ars erf­ið­leika sem hann hafði gengið í gegnum en hann hafði glímt við átröskun frá 2004 „Mamma mín dó árið 2004 en þá var pabbi minn líka lát­inn. Þegar ég missti hana fór ég að leita að til­gangi í líf­inu. Ég leidd­ist út í neyslu en út frá því byrj­aði þetta stöðuga sjálfs­nið­ur­rif út af mínu út­liti, að ég væri ekki nógu flott­ur og ekki í nógu góðu formi. Ég var stans­laust að hugsa ein­hverj­ar svona hugs­an­ir þangað til haustið 2004, þá kastaði ég fyrst upp eft­ir mat­ar­lotug­ræðgik­ast,“ sagði Árni Grét­ar í við­tal­inu.

„Það sem er ein­kenn­andi fyr­ir þenn­an sjúk­dóm er að maður er í svo rosa­lega mik­illi af­neit­un. Sjálfs­blekk­ing­in er svo gíf­ur­lega sterk að maður er í raun­inni að ljúga að sjálf­um sér, þetta verður bara al­gjör sýra.“

Árna lét taka til sín á fleiri sviðum en hann starf­aði sem leið­bein­andi á leik­skól­anum Brák­ar­borg í langan tíma. „Reyni mitt besta í að kenna börnum og að vera til fyr­ir­myndar. Gleymi oft mörgu, en þá er gott að hafa börnin í kringum sig sem minna mann á,“ sagði hann um vinnu sína á leik­skól­anum á Facebook.

„Árni var frá­bær sam­starfs­maður. Það var alltaf hægt að treysta á hann og hann veitti manni allan þann stuðn­ing sem hægt var að biðja um á erf­ið­ustu dög­unum í vinn­unni. Ég á eftir sakna hans gíf­ur­lega mikið. Hann fékk mig til að brosa á hverjum degi og hann var hlý sál,“ sagði fyrrum sam­starfs­maður Árna við Mannlíf um and­lát hans.

Árni lætur eftir sig unn­ustu og tvö börn.