Stuðningsmenn íslenska karlalandsliðsins í knattspyrnu bíða spenntir eftir fréttum um hver verður næsti landsliðsþjálfari en þrír einstaklingar voru boðaðir í viðtöl. Vitað er til þess að Freyr Alexandersson og Arnar Gunnlaugsson voru boðaðir í viðtal og þá er talið líklegt að Per Mathias Högmo hafi fengið boð en hann hefur þjálfað stórlið á Norðurlöndunum og norska landsliðið.
Freyr þótti líklegastur til að taka við starfinu en nú stefnir allt í þjálfarinn taki við norska liðinu Brann. Liðið lenti í 2. sæti í norsku úrvalsdeildinni á síðustu leiktíð. Þá hefur Per Mathias Högmo verið ráðinn sem þjálfari Molde í Noregi og kemur því ekki lengur til greina sem landsliðsþjálfari Íslands.
Það þýðir þá að Arnar er líklegasti kosturinn nema eitthvað breytist en hann er þjálfari Víkings og náð frábærum árangri með liðið bæði á Íslandi og í evrópukeppnum. Þó hafa sumir sett spurningarmerki við hvort æskilegt sé að ráða þjálfara sem missir jafn oft stjórn á skapi sínu og Arnar en hann hefur ítrekað gert í starfi sínu sem þjálfari.
Athugasemdir