Fyrrum NBA stjarnan Dwight Howard segir að honum hafi verið gert að eyða tíst­inu „Free Palestine“ árið 2014.

Fram­kvæmda­stjóri Körfuknatt­leiks­sam­bands­ins (e. NBA) hringdi innan tíu mín­útna og skip­aði íþrótta­mann­inum að fjar­lægja færsl­una, segir Howard við hlað­varps­stjórn­anda og bætti við: „Ég var að synda á móti straumnum“.

Fyrrum NBA stjarnan Dwight Howard sagði í hlað­varpi­við­tali á þriðju­dag að eftir að hafa birt orðin „Free Palestine“ á Twitter-reikn­ing­inn sinn árið 2014, hafi hann strax drukknað í sím­tölum þar sem honum var skipað að taka færsl­una niður, þar á meðal eitt frá fram­kvæmda­stjóra NBA deild­ar­innar. 

„Fyrir nokkrum árum, þegar ég spil­aði fyrir Houston Rockets, tísti ég „Free Palestine,“ og ég var nálægt því að vera rek­inn út úr deild­inni fyrir það,“ sagði Howard við hlað­varps­stjórn­and­ann ​​Ray Daniels, sem dæmi um það sem hann sagði vera „ fullt af hlutum“ sem NBA-leik­maður verði að bíta sig í tung­una útaf opin­ber­lega.

Hinn 39 ára gamli íþrótta­maður sagði hlað­varps­stjórn­and­anum að hann hefði átt langt sam­tal við nokkra palest­ínska aðdá­endur í Houston og vildi lýsa yfir stuðn­ingi sínum við sam­fé­lag þeirra.

„Þeir báðu mig um að vekja athygli á því sem er að ger­ast í landi þeirra,“ sagði hann og bætti við, „Ég vil að fólk viti hvaða bar­áttu þið eigið í. Mér finnst það ekki rangt. Svo ég tísti „Frjáls Palest­ína“.

„Minna en 10 mín­útum eftir að ég tísti þessu, fæ ég sím­tal frá fram­kvæmda­stjóra NBA, umboðs­mönnum, fólki sem starf­aði með stofn­un­inni minni á þeim tíma: „Þú verður að eyða þessu tísti, þú verður að taka þetta niður,“ og og ég var bara: „Hvað gerði ég sem var svona slæmt?“ hélt Howard áfram.

„Ég synti á móti straumnum, ég sagði eitt­hvað sem fólki lík­aði ekki,“ sagði hann til skýr­ingar.

„Fólki lík­aði þetta ekki, ÞEIM lík­aði ekki,“ sagði hlað­varps­stjór­inn. Ekki var strax ljóst hvern hann átti við en mögu­lega átti hann við stjórn­völd í Ísrael.

„Þegar þú ert í deild­inni muntu lenda á þeim stað þar sem ef ég segi of mikið, ef ég segi eitt­hvað, þá hef ég kannski ekki lengur vinnu. Ég verð að bíta í tung­una á mér, og það er erfitt að gera,“ sagði Howard.

Frá­sögnin teng­ist færslu frá Howard fyrir meira en ára­tug, í stríð­inu árið 2014 milli Ísraels og Hamas á Gaza.

Þrátt fyrir að upp­runa­lega færsl­unni hafi verið eytt, birti Howard stuttu síðar afsök­un­ar­beiðni þar sem sagði: „Fyrra tístið voru mis­tök. Ég hef aldrei tjáð mig um alþjóða­stjórn­mál og mun aldrei gera það,“ og „Ég biðst afsök­unar ef ég móðg­aði ein­hvern með fyrra tíst­inu mínu, það voru mis­tök!“.

Atvikið, sem fjallað var um á þeim tíma í fjöl­miðlum, var ekki síð­asta skiptið þar sem Howards olli deilum vegna tísts sem varð­aði alþjóða­mál.

Í maí 2023 baðst Howard afsök­unar eftir að hafa heim­sótt Taívan og sagst í aug­lýs­ingu hafa öðl­ast „glæ­nýja vel­þóknun á þessu landi,“ eftir að hann fékk við­brögð frá kín­verskum þjóð­ern­issinnum sem neita að við­ur­kenna eyþjóð­ina sem sjálf­stæða.

„Þaðan sem ég er, ef ég segi „Ég vil fara til lands­ins,“ þýðir það ekki að þessi staður sé land. Það er bara hvernig við tölum,“ sagði hann á eftir. „Ef ég móðg­aði ein­hvern í Kína biðst ég afsök­unar. Það var ekki ætlun mín að skaða neinn með því sem ég sagði í aug­lýs­ing­unni.“

Howard leikur nú í tælensku körfu­bolta­deild­inni með lið­inu Taoyuan Leopards en hann á hlut í deild­inni.

Hér má sjá hlað­varps­við­talið í heild sinn: