Brynjar Níelsson er hrif­inn af græna gímald­inu við Árskóga og segir bygg­ing­una merki­lega arf­leifð Dags. B. Egg­erts­sonar.

Lög­mað­ur­inn Brynjar Níelsson skrif­aði Facebook-færslu í gær sem var löðr­andi í kald­hæðni eins og venju­lega þegar hann tjáir sig. Spyr hann í færsl­unni hvort hann sé sá eini sem líki vel við græna vöru­húsið við Árskóga. Segist hann miklu frekar vilja hafa slíkt hús við hlið sér en svefn­her­berg­is­glugga nágrann­ans.

Hér má sjá færsl­una:

„Er ég eini mað­ur­inn sem er hrif­inn af græna vöru­hús­inu við Árskóga? Mér finnst þessi bygg­ing eig­in­lega merki­leg­asta arf­leifð Dags B og er þá Bragginn með strá­unum með­tal­inn. Fallegt hús sem skýlir íbúða­blokk­inni fyrir veðri og vindum. Myndi miklu frekar hafa svona hús við hlið­ina á mér en svefn­her­berg­is­glugg­ann hjá nágrann­anum, eins og er víða í hverf­inu mínu, sem var að vísu skipu­lagt af vinstri meiri­hlut­anum í borg­inni frá 1978-82.“

Færslan sló ræki­lega í gegn hjá Facebook-vinum Brynjars en hátt í 500 hafa líkað við hana og yfir sjö­tíu athuga­semdir hafa verið skrif­aðar við hana. Flestir sem skrifa athuga­semdir taka þátt í að hæð­ast að mál­inu og sumir koma með lausnir í mál­inu:

Magnús nokkur kemur með eina lausn á mál­inu: „Væri ekki snjall­ast að breyta blokk­inni í íbúðir fyrir blinda?“

Agnes kom með snilld­ar­lausn: „Bara fá lista­mann til að mála sól­ar­lag á allan vegg­inn“.

Tryggvi nokkur skýtur á Brynjar, sem virð­ist hafa Dag og Reykja­vík­ur­borg á heil­anum: „Komst ekki lengra en í aðra línu án þess að nefna Dag eða Reykja­vík­ur­borg“.