Deilur Eflingar við SVEIT, sam­tök fyr­ir­tækja á veit­inga­mark­aði eru farin að harðna enn meira en lög­reglan var kölluð til í Kringl­una í gær en með­limir Eflingar höfðu efnt til mót­mæla fyrir utan veit­inga­stað­inn Finnsson. Sólveig Anna Jóns­dóttir skýtur föstum skotum á fram­kvæmd­ar­stjóra og lög­mann SVEIT í nýrri Facebook-færslu.

„Hvort komu Efl­ing­ar­með­limir saman fyrir utan veit­inga­stað­inn Finnsson í gær vegna sjúkrar fégræðgi Eflingar, eins og Aðalgeir Ásvalds­son fram­kvæmda­stjóri SVEIT heldur fram, eða vegna þess að ég elska að góla í gjall­ar­horn, eins og lög­maður SVEIT Sigurður G. Guð­jóns­son, hélt fram við Stöð 2 í gær?“ Þannig hefst Facebook-færsla Sól­veigar Önnu Jóns­dóttur for­manns Eflingar sem hún birti í morgun.

Svarið sem Sólveig Anna kemur með er eft­ir­far­andi:

„Hvorugt. Hvorugt er rétt. Aumingja menn­irnir að vera svona vit­lausir. Við í Eflingu mót­mæltum í gær fyrir utan veit­inga­stað­inn Finnsson, í eigu Óskars Finns­sonar, vegna þess að Óskar Finnsson hefur skráð fólk í svika-stétt­ar­fé­lagið Virðingu, félag stofnað af atvinnu­rek­endum, til að lækka laun fólks og ráð­ast að flestum mik­il­væg­ustu rétt­indum vinn­andi fólks á Íslandi, líkt og veik­inda­rétt, rétt til að vera með veikum börnum, orlofs­rétt, rétt­indum barns­haf­andi kvenna og svo mætti áfram telja. Stað­reyndin er sú að gervi­kjara­samn­ingur svika-stétt­ar­fé­lags­ins Virð­ingar brýtur bæði gegn íslenskum lögum og Evr­ópu­sam­bands­reglu­gerðum og -til­skip­unum. Til við­bótar við þetta gerir ráðn­ing­ar­samn­ingur sá sem svika-stétt­ar­fé­lagið Virðing og SVEIT hafa útbúið ráð fyrir per­sónunjósnum atvinnu­rek­enda á starfs­fólki, en lög­menn Eflingar hafa sent Per­sónu­vernd kvörtun vegna máls­ins. Það er mat lög­manna að umrætt per­sónunjósna-ákvæði í ráðn­ing­ar­samn­ingnum brjóti gegn per­sónu­vernd­ar­lögum og einnig gegn reglu­gerð Evr­ópu­sam­bands­ins um vernd ein­stak­linga í tengslum við vinnslu per­sónu­upp­lýs­inga.“

Segir Sólveig Anna enn­fremur að hlut­verk Eflingar sé að „standa vörð um kjör, rétt­indi og hags­muni verka­fólks á félags­svæði félags­ins“.

„Þetta eru ástæð­urnar fyrir því að við í Eflingu mót­mæltum fyrir utan veit­inga­stað­inn Finnsson í gær. Hlutverk Eflingar er að standa vörð um kjör, rétt­indi og hags­muni verka­fólks á félags­svæði félags­ins. Það munum við ávallt gera. Enda er Efling raun­veru­legt verka­lýðs­fé­lag, ekki svika-félag stofnað af atvinnu­rek­endum til að níð­ast á vinn­andi fólki. Í bar­áttu okkar fyrir rétt­indum og hags­munum verka og lág­launa­fólks beitum við öllum þeim aðferðum sem við teljum réttar og lík­legar til árang­urs. Við í Eflingu munum ekki hætta aðgerðum okkar fyrr en að við getum full­vissað okkur um að Óskar Finnsson, eig­andi Finnsson og aðrir sem við fáum fregnir af að séu að skrá starfs­fólk í svika-stétt­ar­fé­lagið Virðingu, láti af brotum sínu gegn verka­fólki og fylgi gild­andi, lög­legum kjara­samn­ingi Eflingar og SA um störf á veit­inga­mark­aði.“

Að lokum hvetur Sólveig Anna fólk til þess að standa með Eflingu í bar­áttu við SVEIT og Virðingu:

„Ég hvet ykkur til að standa með okkur í Eflingu í bar­átt­unni við SVEIT og Virðingu. Með því eruð þið að standa vörð um kjör og rétt­indi okkar allra. Það skal ekki ger­ast á okkar vakt að atvinnu­rek­endur kom­ist upp með að stofna gervi-stétt­ar­fé­lag til að níð­ast á sak­lausu fólki.“