Und­an­farna mán­uði hafa greinst fleiri og fleiri fuglaflensusmit í fuglum hér­lendis og þá greind­ist kett­lingur á land­inu fyrir stuttu með fuglaflensu og dó hann af völdum hennar. Þá fund­ust tæp­lega 20 dauðar gæsir í Vatns­mýri um helg­ina og talið er lík­legt að þær hafi dáið vegna fuglaflensu.

MAST hvetur almenn­ing til að snerta ekki dauð dýr sem það finnur en segir að smit­hætta fyrir fólk af völdum fugla­in­flú­ensu er mjög lítil.

„Mat­væla­stofn­un ít­rek­ar til­mæli til al­menn­ings um að til­kynna stofn­un­inni um villta fugla og villt spen­dýr sem finn­ast dauð, þegar ástæða dauða er ekki aug­ljós. Það er best að gera með því að skrá ábend­ingu á heima­síðu Mat­væla­stofn­un­ar. Mik­il­vægt er að láta mynd fylgja til­kynn­ing­unni og gera vel grein fyr­ir stað­setn­ingu, helst með því að skrá hnit,“ seg­ir í til­kynn­ing­unni.

„Nán­ari upp­lýs­ing­ar eru á líka á síðu Mat­væla­stofn­un­ar um hvað fólk skuli gera ef það finn­ur veika eða dauða villta fugla eða villt spen­dýr. Þar er m.a. tekið fram að hræ skuli lát­in liggja nema ef þau eru þannig stað­sett að nauð­syn­legt sé að fjar­lægja þau. Ef það er gert skal hræið sett í plast­poka, án þess að það sé snert með ber­um hönd­um.“

En Mannlíf spyr les­endur sína: Óttast þú fuglaflensu?