Hand­bolta­spek­úlant­inn Logi Geirsson svar­aði Sveini Andra Sveins­syni í gær en Sveinn Andri hafði skrifa langa Facebook-færslu þar sem hann leið­rétti stað­hæf­ingu Loga um upp­haf hand­bolt­ans á Íslandi.

Sjá einnig: Sveinn Andri leið­réttir Loga Geirsson: „Vonandi fer þessum rang­færslum að linna“

Stað­hæf­ing Loga Geirs­sonar var sú að afi hans, Hall­steinn Hin­riks­son hefði verið faðir hand­bolt­ans á Íslandi en orðin lét hann falla í sjón­varps­þætti um heims­meist­ara­mótið í hand­knatt­leik sem fram fer um þessar mundir. Sveinn Andri benti honum á í færslu sinni að hið sanna í þessu væri sú að afi Sveins Andra, Valdimar Svein­björns­son, væri í raun sá sem flutti hand­bolt­ann til Íslands.

Logi svar­aði Svein Andra í athuga­semd við færsl­una en þar seg­ist hann vera sam­mála um að rétt skuli vera rétt.

„Ég er alveg sam­mála því að rétt skal alltaf vera rétt og ber mikla virð­ingu fyrir því að sagan sé rétt sögð. Takk fyrir ábend­ing­una og ég mun kynna mér sög­una betur og fara þ.a.l með rétt mál næst þegar þetta kemur til tals. Síðasta sem ég las skrifað um Hall­stein var tekið af vef sam­taka íþrótta­f­rétta­manna.

“Hall­steinn Hin­riks­son, er tal­inn faðir hand­knatt­leiks­ins á Íslandi og byrj­aði að kenna íþrótt­ina hér á landi um 1930 í Barna­skóla Hafn­ar­fjarðar, sem síðar hét Lækj­ar­skóli”. Þannig að þetta er kannski meira en bara hafn­firsk rang­færsla.“

Bætir hann við að lokum að hann ætli sér að kynna sér málið betur af virð­ingu við afa Sveins Andra.

„Fer í að kynna mér þetta af virð­ingu við afa þinn Valdimar Svein­björns­son og sögu hand­knatt­leiks­ins á Íslandi. Öll hjálp er vel þegin og þú heyrir aftur frá mér Þangað til næst, áfram Ísland.“