Félagið Ísland-Palest­ína fagnar vopna­hléi á Gaza í frétta­til­kynn­ingu en félagið bindur miklar vonir við áfram­hald­andi vopna­hlé og frið.

Í frétta­til­kynn­ing­unni segir einnig að bar­átt­unni sé alls ekki lokið, enda haldi Ísrael ennþá fólki á Gaza í „grimmi­legri her­kví“.

Hér má lesa frétta­til­kyn­ing­una í heild sinni:

LOKSINS VOPNAHLÉ!

Félagið Ísland-Palest­ína fagnar ákaft vopna­hléi á Gaza og bindur miklar vonir við áfram­hald­andi vopna­hlé og frið. Nauð­syn­legt er að tryggja stöðugan inn­flutn­ing á neyð­ar­að­stoð til Gaza og hefja upp­bygg­ingu taf­ar­laust. Við minnum í því sam­hengi á neyð­ar­söfn­un­ar­reikn­ing Félags­ins Ísland-Palest­ínu, en fyrsta verk félags­ins verður að koma gervi­fótum út til Gaza, sem hefur ekki verið hægt vegna herkví­ar­innar. Þörfin hefur aldrei verið meiri nú, en í 15 mán­uði hefur fjöldi barna og full­orð­inn á Gaza misst útlimi  vegna árása Ísraels.

Myndina tók Sig­tryggur Ari Jóhanns­son á fögn­uði Palest­ínu­fólks og stuðn­ings­fólks þeirra á Aust­ur­velli 19.jan­úar 2025.

Veita verður sér­fræð­ingum Sam­ein­uðu Þjóðanna og ann­arra eft­ir­lits- og mann­úð­ar­stofn­ana óheftan aðgang að Gaza til að rann­saka þá stríðs­glæpi sem Ísrael hefur fram­kvæmt. Eyði­legg­ingin á sér enga hlið­stæðu í sam­tím­anum og erf­iðir tímar eru framundan fyrir íbúa Palest­ínu.

Barátta alls heims­ins skipti sköpum við að knýja fram vopna­hlé. Fólkið á Gaza stóðst árásir tækni­væddasta hers heims með þraut­seigju og rétt­mæta frels­is­bar­áttu sína að vopni. Baráttu okkar á Íslandi og um heim allan er þó hvergi nærri lokið. Ísrael sem fremur þjóð­ar­morð í Palest­ínu er enn aðskiln­að­ar­ríki og heldur Gaza í grimmi­legri her­kví ásamt því að við­halda her­námi sínu og dag­legu ofbeldi land­ræn­ingja á Vest­ur­bakk­anum og Gólan-hæðum. Gaza verður að end­ur­byggja, her­nám­inu verður að ljúka og allir Palest­ínu­menn verða að fá að snúa aftur heim með full rétt­indi. Hingað til hefur Ísrael alltaf svikið samn­inga um upp­bygg­ingu og afnám herkvíar Gaza. Við verðum að halda áfram bar­áttu okkar til að tryggja að það ger­ist ekki aftur og að Palest­ína verði frjáls og full­valda!

Lifi frjáls Palest­ína!