Sanna Magda­lena Mörtu­dóttir setur spurn­inga­merki við fyr­ir­ætl­anir rík­is­stjórn­ar­innar í vel­ferð­ar­málum.

Rík­is­stjórn Kristrúnar Frosta­dóttur kynnti í gær þau frum­vörp sem hún hyggst leggja fram á kom­andi þingi en þar sagð­ist hún ætla að stíga stór skref í mál­efnum öryrkja og fátækra á þessu ári. Borg­ar­full­trúi Sós­í­alista, Sanna Magda­lena Mörtu­dóttir virð­ist hins vegar ekki finn­ast skrefin nógu stór hjá rík­is­stjórn­inni en hún skrif­aði færslu á síðu Sós­í­alista á Facebook þar sem hún skrif­aði:

„Rík­is­stjórnin seg­ist ætla að stíga stór skref í vel­ferð­ar­málum á árinu 2025. Greint er frá því að jóla­bónus til tekju­lægri öryrkja verði tryggður þar til búið er að lyfta þeim upp úr fátækt sem að verst standa. Það eru tíu mán­uðir í des­em­ber. Hvað verður gert í milli­tíð­inni fyrir fátæka öryrkja?“

Í athuga­semd við færsl­una hélt Sanna áfram en þar segir hún að laga­frum­varp til að stöðva kjaragliðnun og líf­eyris, sem stendur til að sam­þykkja á vor­þing­inu, muni ekki hækka grunn­upp­hæð líf­eyris:

„Í kynn­ing­unni kom fram að það standi til að sam­þykkja á vor­þingi laga­frum­varp til að stöðva kjaragliðnun launa og líf­eyris. En snýr ekki slíkt ein­göngu að þess­ari árlegri hækkun sem á sér stað og hvernig hún er reiknuð út? (Þar sem ný rík­is­stjórn hefur til­kynnt að líf­eyrir eigi að taka hækk­unum til sam­ræmis við hækkun launa­vísi­tölu en þó aldrei minna en verð­lag.) Síkt er ekk­ert að hækka grunn­upp­hæð líf­eyris.“