Búið að ákveða hver lýsir Eurovision og hver kynnir stig Íslands: „Við erum í skýjunum“

Búið er að ákveða hvaða ein­stak­lingar muni leika lyk­il­hlut­verk í sjón­varps­út­send­ingu RÚV á Eurovision á Íslandi.

Í sam­tali við Mannlíf stað­festi Rúnar Freyr Gíslason, fram­kvæmda­stjóri Söngvakeppn­innar, að búið væri að ákveða hver muni lýsa Eurovision og hver muni kynna stig Íslands. Hann vildi þó ekki gefa upp hvaða fólk um ræðir. „Við munum til­kynna um það eftir Söngvakeppn­ina.“

Gísli Marteinn Bald­urs­son hefur lýst því sem fram fer í Eurovision með hléum frá árinu 2003, og öllum keppnum frá árinu 2016. Hann ákvað hins vegar að lýsa ekki í fyrra vegna þátt­töku Ísrael í keppn­inni. Guðrún Dís Emils­dóttir sá um að lýsa keppn­inni í fyrra ásamt Gunnari Birg­is­syni íþrótta­f­rétta­manni.

Margir gestir og mikið stuð

En það verður einnig mikið verður um dýrðir á Söngvakeppn­inni en meðal þeirra sem koma fram er finnski söngv­ar­inn Käärijä sem hafn­aði í 2. sæti í Eurovision 2023 með lagið Cha Cha Cha.

„Við erum í skýj­unum yfir því að fá allt þetta frá­bæra lista­fólk með okkur á stóra sviðið í Gufu­nes­inu. Käärijä hefur til að mynda notið gríð­ar­legra vin­sælda hér á landi og það verður gaman að sjá hann trylla áhorf­endur í höll­inni á úrslita­kvöld­inu. Og áhorf­endur munu alveg örugg­lega gleðj­ast yfir Heru, Aroni Can, Hr. Hnetu­smjör og Jóhönnu Guðrúnu sem mun m.a. taka lagið Is It True? sem lenti í 2. sæti í Eurovision 2009. Og hún verður ekki ein á svið­inu, því bak­radd­irnar sem voru með henni í Moskvu 2009, þau Friðrik Ómar, Hera Björk og Erna Hrönn, ætla að vera með henni. Svo verða líka alls­konar upp­á­komur. Ég veit að kynn­arnir okkar, þau Benni, Fannar og Gunna Dís, munu bjóða upp á ansi margt skemmti­legt. Ég held að nú geti fjöl­skyldur lands­ins farið að hlakka til,“ sagði Rúnar.